ନୟାଗଡ଼: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଲାଗି ଆଜି ଭାରତୀୟ ଜାତୀୟ କଂଗ୍ରେସ ପକ୍ଷରୁ 4 ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେପି ଏବଂ ବିଜେଡି ପ୍ରାର୍ଥୀ ଦାଖଲ କରିନଥିବା ବେଳେ ଆଜି ଏମାନେ ନାମାଙ୍କନ ପତ୍ର ଦାଖଲ କରିବେ ।
ରଣପୁର ବ୍ଲକର ଜୋନ ନମ୍ବର ୨୧ ପାଇଁ ସରୋଜିନୀ ପରିଡା, ୨୨ ପାଇଁ ପ୍ରସନ୍ନ କୁମାର ସୁବୁଦ୍ଧି, ୨୪ ପାଇଁ ଆରତୀ ଜେନା ଜିଲ୍କା ପରିଷଦ ଆସନ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ଖଣ୍ଡପଡା ବ୍ଲକର ୭ ନମ୍ବର ଜୋନରୁ କଂଗ୍ରେସ ପ୍ରାର୍ଥୀ ରଶ୍ମିତା ପ୍ରଧାନ ତାଙ୍କର ନାମାଙ୍କନ ପତ୍ର ଉପଜିଲ୍ଲାପାଳଙ୍କ ନିକଟରେ ଦାଖଲ କରିଛନ୍ତି । ଜିଲ୍ଲାରେ ୧୭ ଜଣ କଂଗ୍ରେସ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି । ଏ ନେଇ ଜିଲ୍ଲା କଂଗ୍ରେସ ସଭାପତି ରଣଜିତ ଦାଶ କହିଛନ୍ତି l
ଅନ୍ୟପଟେ ରଣପୁର ବ୍ଲକର ୨୩ ନମ୍ବର ଗୋପାଳପୁର ଜିଲ୍ଲା ପରିଷଦ ଜୋନ ପାଇଁ ଭାରତୀୟ ଜାତୀୟ କଂଗ୍ରେସ ପ୍ରାର୍ଥୀ ନିରୁପମା କର ଓ ବାସନ୍ତୀ ପ୍ରଧାନ ପ୍ରାର୍ଥୀପତ୍ର ଦାଖଲ କରିଛନ୍ତି ତେବେ ଦଳର ପ୍ରାର୍ଥୀତ୍ବ ସମ୍ପର୍କରେ ଆଜି ସ୍ପଷ୍ଟ କରାଯିବ ବୋଲି ଜିଲ୍ଲା କଂଗ୍ରେସ ପକ୍ଷରୁ କୁହାଯାଇଛି ।
ନାମାଙ୍କନ ପତ୍ର ଦାଖଲ ବେଳେ ଜିଲ୍ଲା କଂଗ୍ରେସ ସଭାପତିଙ୍କ ସମେତ ପିସିସି ସମ୍ପାଦକ ହୁସେନ ଖାଁ ରଣପୁର କଂଗ୍ରେସ ନେତ୍ରୀ ଶୁଭଶ୍ରୀ ପଣ୍ଡା, ରଣପୁର ବ୍ଲକ କଂଗ୍ରେସ ସଭାପତି ଦିଲ୍ଲୀପ କୁମାର ଜେନା ପ୍ରମୁଖ ଉପସ୍ଥିତ ଥିଲେ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
