ନୟାଗଡ଼: କୋଭିଡରେ ବାପା ମା ଛେଉଣ୍ଡ ଅସହାୟ ଛାତ୍ରକୁ ଭେଟିଲେ ଜିଲ୍ଲାପାଳ l ନୟାଗଡ଼ ଜିଲ୍ଲା ଭାପୁର ବ୍ଲକ ବିଜିପୁର ପଞ୍ଚାୟତ ଶୁକପୋଖରୀ ଗାଁର ଶୁଭଙ୍କର ପରିଡାଙ୍କୁ ଭେଟିଛନ୍ତି ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ ।
ଅନାଥ ଛାତ୍ରକୁ ଭେଟିଲେ ଜିଲ୍ଲାପାଳ
ଗତ 15 ଦିନ ତଳେ ଶୁଭଙ୍କରଙ୍କ ବାପା ରଞ୍ଜୟ ପରିଡା କୋଭିଡରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିଲେ l ଦେଢ଼ ବର୍ଷ ତଳେ ମା ସୁଷମା ମଧ୍ୟ ମୃତ୍ୟୁବରଣ କରିଥିଲେ l ଏହା ପର ଠାରୁ ବଡ ବାପାଙ୍କ ପାଖରେ ରହି ନବମ ଶ୍ରେଣୀରେ ପଢୁଛନ୍ତି ଶୁଭଙ୍କର l
ଜିଲ୍ଲାପାଳ ଡ. ପୋମା ଟୁଡୁ ଶୁଭଙ୍କରଙ୍କୁ ଭେଟି ସାନ୍ତ୍ବନା ଦେବା ସହ ମଧୁବାବୁ ପେନସନ ଯୋଜନାର ସହାୟତା ମାଧ୍ୟମରେ 15 ଶହ ଟଙ୍କା ଦେଇଥିଲେ l ପାଠ ପଢା ଠାରୁ ଆରମ୍ଭ କରି ସମସ୍ତ ଖର୍ଚ୍ଚ ଜ଼ିଲ୍ଲାପ୍ରଶାସନ ବହନ କରିବା ସହ ଶୁଭଙ୍କରଙ୍କ ନାମକୁ ସ୍ବାସ୍ଥ୍ୟବୀମାରେ ଅନ୍ତର୍ଭୁକ୍ତ କରାଇବାକୁ ପ୍ରତିଶୃତି ଦେଇଛନ୍ତି ଜିଲ୍ଲାପାଳ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
