ଗାଁ ମଝିରେ ଫୁଟିଲା ବୋମା, ଭୟଭୀତ ଗ୍ରାମବାସୀ

ନୟାଗଡ଼ ଜିଲ୍ଲା ରଣପୁର ଥାନା ନରେନ୍ଦ୍ରପୁର ପଞ୍ଚାୟତର ଉଆସପାଟଣା ଗାଁରେ ବୋମା ବିସ୍ଫୋରଣ । ଅଧିକ ପଢନ୍ତୁ...

ନୟାଗଡ଼: ଗାଁ ମଝିରେ ଫୁଟିଲା ବୋମା । ବିସ୍ଫୋରଣରେ ଥରିଲା ଗାଁ । ଏଭଳି ଘଟଣା ଘଟିଛି ନୟାଗଡ଼ ଜିଲ୍ଲା ରଣପୁର ଥାନା ନରେନ୍ଦ୍ରପୁର ପଞ୍ଚାୟତର ଉଆସପାଟଣା ଗାଁରେ । ଗତକାଲି ବିଳମ୍ବିତ ରାତିରେ ଘଟିଥିଲା ଏହି ଅଘଟଣ ।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଗାଁ ଭିତରେ ପଡିଥିବା ବୋମାରେ ବ୍ୟବହୃତ ସାମଗ୍ରୀର ନମୁନା ଜବତ କରିଥିବା ବେଳେ ଗାଁରେ ଚାଲିଥିବା ବିବାଦ କାରଣରୁ ଏପରି ହୋଇଥିବା କହିଛନ୍ତି ଗ୍ରାମବାସୀ । ତେବେ ଏହି ବୋମା ମାଡ଼ ପରେ ଗାଁରେ ଭୟର ବାତାବରଣ ଖେଳି ଯାଇଛି l ଏଥିରେ କାହାର କିଛି କ୍ଷୟକ୍ଷତି ହୋଇନଥିବା ଜଣାପଡ଼ିଛି l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ