ନୟାଗଡ: ଜିଲ୍ଲାରେ ପୁଣି ବ୍ରାଉନସୁଗାର କାରବାର ପଣ୍ଡ । ନୟାଗଡ଼ ଜିଲ୍ଲା ଫତେଗଡ଼ ଥାନା ପୋଲିସ ଲକ୍ଷାଧିକ ମୂଲ୍ୟର ବ୍ରାଉନସୁଗାର ଜବତ କରିବା ସହ ୨ ଜଣଙ୍କୁ ଗିରଫ କରିଛି ।
ଲକ୍ଷାଧିକ ଟଙ୍କାରେ ବ୍ରାଉନସୁଗାର ଜବତ
ଗିରଫ ବ୍ୟକ୍ତି ଦୁଇଜଣ ହେଲେ ଖୋର୍ଦ୍ଧା ଥାନା ଗୁରୁଜଙ୍ଗ ଗ୍ରାମର ମନମୋହନ ସାହୁ ଓ ଜଟଣୀ ଥାନା ଗଙ୍ଗପଡ଼ା ଗ୍ରାମର ଅଶୋକ କୁମାର ଦାସ । କଳାପଥର -ଫତେଗଡ଼ ରାସ୍ତା ମଣିପୁର ଛକଠାରେ ରବିବାର ଯାଞ୍ଚ ସମୟରେ ଏହି ଦୁଇ ଯୁବକଙ୍କଠାରୁ 8ଗ୍ରାମର ବ୍ରାଉନସୁଗାର ଜବତ ହୋଇଥିଲା । ଜବତ ବ୍ରାଉନସୁଗାରର ମୂୂଲ୍ୟ ପ୍ରାୟ ଲକ୍ଷାଧିକ ଟଙ୍କା ପରେ ହେବ ବୋଲି ଅନୁମାନ କରାଯାଇଛି ।
ଆଜି(ସୋମବାର) ଦୁଇଜଣଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ବ୍ରାଉନସୁଗାର କାରବାର ବିରୋଧରେ ନୟାଗଡ଼ ପୋଲିସ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । କାରବାରରେ ଅନେକ ବେପାରୀଙ୍କୁ ଗରିଫ କରିଛି ପୋଲିସ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
