ନବରଙ୍ଗପୁର: ଜିଲ୍ଲାର ରାଇଘର ଠାରେ ପୋଲିସ ପକ୍ଷରୁ ୩୧ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳନ କରାଯାଇଛି । ଏଥିରେ ଅରବିନ୍ଦ ସ୍କୁଲର ଶତାଧିକ ଛାତ୍ରଛାତ୍ରୀ, ସ୍କୁଲର ଶିକ୍ଷକ ଶିକ୍ଷୟିତ୍ରୀ ଯୋଗଦେଇ ଏକ ଶୋଭାଯାତ୍ରାରେ ବାହାରି ସହର ପରିକ୍ରମା କରିଥିଲେ ।
ସ୍କୁଲର ସମସ୍ତ ଛାତ୍ରଛାତ୍ରୀ ପ୍ଲାକାର୍ଡ, ବ୍ୟାନର ଓ ଗୋଲାପ ଫୁଲ ଧରି ସଡ଼କ ସୁରକ୍ଷା ଜୀବନ ରକ୍ଷା, ହେଲମେଟ୍ ପିନ୍ଧି ଗାଡ଼ି ଚଲାଇବା, ମଦ ପିଇ ଗାଡ଼ି ନ ଚଲାନ୍ତୁ, ଟ୍ରାଫିକ ନିୟମ ମାନନ୍ତୁ, ସିଟ ବେଲ୍ଟ ପିନ୍ଧି ଗାଡ଼ି ଚଲାନ୍ତୁ ଆଦି ନାରା ଦେଇ ଲୋକମାନଙ୍କୁ ସଚେତନ କରାଇଥିଲେ ।
ଏହି ଶୋଭାଯାତ୍ରାରେ ଜିଲ୍ଲା ଆରକ୍ଷୀ ଅଧିକାରୀ ନୀତିଶ କୁସଲକର, ରାଇଘର ଥାନା ଅଧିକାରୀ ସରିତା ମହାପାତ୍ର, ଅରବିନ୍ଦ ବିଦ୍ୟାଳୟର ଅଧ୍ୟାପିକା ସସ୍ମିତା ଲତା ପାଢ଼ୀ, ଉପଅଧ୍ୟପକ ହେମନ୍ତ କୁମାର ଚର୍ଚ୍ଚି ଯୋଗଦେଇ ସଡ଼କ ସୁରକ୍ଷା ଉପେର ନିଜନିଜର ବକ୍ତବ୍ୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଶତାଧିକ ଗାଡ଼ି ଚାଳକ ଉପସ୍ଥିତ ରହି ସେମାନଙ୍କର ମତାମତ ପ୍ରଦାନ କରଥିବା ଦେଖିବାକୁ ମିଳିଥିଲା ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
