ନବରଙ୍ଗପୁର: ହଜ ଯାତ୍ରାରେ ଗଲେ ଦମ୍ପତି । ଆରବ ଦେଶକୁ ତୀର୍ଥ ପାଇଁ ଯାତ୍ରା କରିଛନ୍ତି ନବରଙ୍ଗପୁରର ଦମ୍ପତି । ମସଜିଦରୁ ନମାଜ ପାଠ କରିବା ପରେ ଏକ ଶୋଭାଯାତ୍ରାରେ ବାହାରି ଥିଲେ ସ୍ବାମୀ, ସ୍ତ୍ରୀ । 40 ଦିନିଆ ହଜ ଯାତ୍ରା କରିଛନ୍ତି ମହମ୍ମଦ ସାଫିକ କ୍ୟୁରେସି ଓ ତାଙ୍କ ପତ୍ନୀ ହଫିଜା ବାନୁ।
ଏହି ଯାତ୍ରାରେ ବାହାରିବା ସମୟରେ ସେମାନଙ୍କୁ ବିପୁଳ ସମ୍ବର୍ଦ୍ଧନା ଦିଆଯାଇଥିଲା। ପ୍ରଥମେ କଲିକତା ପହଞ୍ଚିବା ପରେ ଆସନ୍ତା 1 ତାରିଖରୁ ମକ୍କା ଅଭିମୁଖେ ଯାତ୍ରା ଆରମ୍ଭ କରିବେ ବୋଲି ଜଣାପଡିଛି। ସୂଚନାଯୋଗ୍ୟ ଯେ ସେ ମକ୍କା ଓ ମଦିନାକୁ ତୀର୍ଥ ନିମନ୍ତେ ଅବିଭକ୍ତ କୋରାପୁଟ ଜିଲ୍ଲାରୁ 11 ଜଣ ଯାତ୍ରା କରିବାର କାର୍ଯ୍ୟକ୍ରମ ରହିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
