ନବରଙ୍ଗପୁର: ଲୋକ ଲଜ୍ଜା ସହି ନ ପାରି ଜୀବନ ହାରିଲେ ନବଦମ୍ପତି । ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ବଡଖଡକା ଗାଁରେ ରବିବାର ଏଭଳି ଅଭାବନୀୟ ଘଟଣା ଘଟିଛି । ଗ୍ରାମର ବିବାହିତ ପ୍ରେମିକ ତୁଲେଶ୍ବର ମାଝୀ ଓ ନବବିବାହିତା ଦ୍ବିତୀୟ ସ୍ତ୍ରୀ ଉର୍ମି ଗଣ୍ଡଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ତେବେ ଲୋକ ଲଜ୍ୟା ସହ୍ୟ କରି ନପାରି ଉଭୟ ଆତ୍ମହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡିଛି । ପୋଲିସ ଘଟଣାସ୍ଥଳରୁ ଦୁଇ ମୃତଦେହ ଉଦ୍ଧାର କରିଛି ।
ଲୋକ ଲଜ୍ଜା ସହି ନପାରି ନବଦମ୍ପତିଙ୍କ ଆତ୍ମହତ୍ୟା
ସୂଚନାଯୋଗ୍ୟ, ତୁଲେଶ୍ବର ପୂର୍ବରୁ ବିବାହିତ ଥିବାବେଳେ ତାଙ୍କର କୌଣସି ସନ୍ତାନ ହେଉନଥିଲେ । ଇତିମଧ୍ୟରେ ଯୁବକଙ୍କର ଉର୍ମିଙ୍କ ସହ ସମ୍ବନ୍ଧ ଗଢି ଉଠିଥିଲା । ଉଭୟ ଗତ ଦୁଇଦିନ ତଳେ ବିବାହ କରିଥିଲେ ।
ମାତ୍ର ପୂର୍ବ ପନ୍ତ୍ରୀ ଥାଇ ମଧ୍ୟ ସେ ଦ୍ବିତୀୟ ବିବାହ କରିଥିବାରୁ ଲୋକମାନେ ଟାହିଟାପରା କରୁଥିଲେ । ଯାହାକୁ ସହ୍ୟ କରି ନପାରି ଉଭୟ ଆତ୍ମହତ୍ୟା କରିଥିବା ଜଣାପଡିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
