ବାରିପଦା: ଗୁରୁ ଶିଷ୍ୟ ସମ୍ପର୍କରେ ପୁଣି ଲାଗିଛି କଳଙ୍କର ଛିଟା । ଛାତ୍ରୀଙ୍କୁ ଅସଦାଚରଣ କରି ଥାନାରେ ଅଟକ ହୋଇଛନ୍ତି ଅଧ୍ୟାପକ । ଘଟଣାଟି ହେଉଛି ରାସଗୋବିନ୍ଦପୁର ଥାନା ସହିଦ ମେମୋରିଆଲ ଡିଗ୍ରୀ କଲେଜ, ମାଣିଦାର । ସମ୍ପୃକ୍ତ କଲେଜର ଅଧ୍ୟାପକ ଶିବପ୍ରସାଦ କଟୁଆଳ ଜଣେ +3 ଛାତ୍ରୀଙ୍କୁ ଅସଦାଚରଣ କରିବା ନେଇ ଛାତ୍ରୀ ଜଣଙ୍କ ଅଭିଯୋଗ କରିବା ପରେ ଅଧ୍ୟାପକଙ୍କୁ ଅଟକ ରଖିଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଏନେଇ ଛାତ୍ରୀ ଜଣଙ୍କ ଅଧ୍ୟାପକଙ୍କ ବିରୁଦ୍ଧରେ ଅଭିଯୋଗ କରିବା ସହ ଅଧ୍ୟକ୍ଷଙ୍କୁ ନିଜ ଟିସି ନେଇ ଦରଖାସ୍ତ ଦେଇଥିଲେ । ତେବେ ଅଧ୍ୟକ୍ଷ ଛାତ୍ରୀଙ୍କ ଅଭିଯୋଗ କ୍ରମେ ରାସଗୋବିନ୍ଦପୁର ଥାନାରେ ଅଧ୍ୟାପକଙ୍କ ବିରୁଦ୍ଧରେ ଏତଲା ଦେଇଥିଲେ । ଯାହା ଆଧାରରେ ରାସଗୋବିନ୍ଦପୁର ପୋଲିସ କେସ ନଂ 95/19ରେ ଏକ ମାମଲା ରୁଜୁ କରି ଅଧ୍ୟାପକଙ୍କୁ ଅଟକ ରଖିବା ସହ ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
