ରାଇରଙ୍ଗପୁର: ରାସ୍ତାକାମ ଅନୁମତି ପାଇଁ ଡିଏଫ୍ଓ(DFO) ନିକଟରେ ଫେରାଦ । ପ୍ରଶାସନ ଦୁରଦୃଷ୍ଟିର ଘୋର ଅଭାବ ଓ ଚରମ ଉଦାସୀନତା କାରଣରୁ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବ୍ଲକ ଅଧିନରେ ଥିବା ଗରଡ଼ାପାଣି ଗାଁ ଦୀର୍ଘଦିନରୁ ବାହ୍ୟଜଗତରୁ ସମ୍ପୂର୍ଣ୍ଣ ରୂପେ ବିଛିନ୍ନ ହୋଇ ପଡିଥିଲା ।
ତେବେ ଦୀର୍ଘଦିନର ଅପେକ୍ଷା ପରେ ରାଇରଙ୍ଗପୁର ବ୍ଲକର ବିଚ୍ଛିନ୍ନାଞ୍ଚଳ ଗ୍ରାମ ଗରଡାପାଣିରେ ବାସିନ୍ଦାଙ୍କ ପାଇଁ ଓଏମ୍ବିଏଡିସି(OMBADC) ଅର୍ଥରେ ରାସ୍ତାକାମ ଚାଲିଥିବା ବେଳେ ଏହାକୁ ବନବିଭାଗ ବନ୍ଦ କରାଇଥିଲେ । ତେବେ ରାସ୍ତାଟି ସଂରକ୍ଷିତ ଜଙ୍ଗଲ ମଧ୍ୟ ଦେଇ ଯାଇଥିବାରୁ ଓଏମ୍ବିଏଡିସି ବନବିଭାଗର ଅନୁମତି ନେଇନଥିଲେ । ଯେଉଁକାରଣରୁ ରାସ୍ତାକାମକୁ ବନ୍ଦ କରିଥିଲା ବନବିଭାଗ ।
ଏନେଇ ଗ୍ରାମବାସୀ ଅନୁମତି ପାଇଁ ଡିଏଫ୍ଓ(DFO)ଙ୍କୁ ଫେରାଦ ହେବାରୁ ବିଭାଗ ପକ୍ଷରୁ ମିଳିତ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ତେବେ ଗାଁକୁ ରାସ୍ତା ନଥିବାରୁ ମୌଳିକ ସୁବିଧା ସୁଯୋଗରୁ ବଞ୍ଚିତ ରହିଛନ୍ତି ଗ୍ରାମବାସୀ।
ଆଗାମୀ ଦିନରେ ବନବିଭାଗ ରାସ୍ତାକାମ ପାଇଁ ଅନୁମତି ନଦେଲେ ଆନ୍ଦୋଳନକୁ ଓହ୍ଲାଇବା ନେଇ ଚେତାବନୀ ଦେଇଛନ୍ତି ଗ୍ରାମବାସୀ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
