ମୟୂରଭଞ୍ଜ: ଜିଲ୍ଲା ବେତନଟୀ ଥାନା ଅନ୍ତର୍ଗତ ଶଗଡ଼ଭଙ୍ଗା ଗାଁ ମୁଣ୍ଡ ପୋଖରୀ ନିକଟରୁ ଜଣେ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରାଯାଇଛି । ଯୁବତୀଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଥିବା ବେଳେ ପୋଲିସ ଅଧିକ ତଦନ୍ତି ଜାରି ରଖିଛି ।
ମିଳିଥିବା ସୂଚନା ମୁତାବକ, ପ୍ରତିଦିନ ଭଳି ଶନିବାର ମଧ୍ୟ ମୃତ ଯୁବତୀଙ୍କ ପରିବାରର ସମସ୍ତେ ରାତିରେ ଶୋଇପଡିଥିଲେ । ତେବେ ରବିବାର ସକାଳ ସମୟରେ ଘରେ ଝିଅକୁ ନ ପାଇ ଅନେକ ଖୋଜା ଖୋଜି କରିବା ପରେ ଗାଁ ମୁଣ୍ଡ ପୋଖରୀ ଆଡିରୁ ଯୁବତୀର ଅର୍ଦ୍ଧଦଗ୍ଧ ମୃତ ଦେହ ପଡିଥିବା ଦେଖିବାକୁ ପାଇଥିଲେ । ଏ ସମ୍ପର୍କରେ ବେତନଟୀ ପୋଲିସକୁ ଖବର ଦେବା ପରେ ଖବର ପାଇ ଘଟଣାସ୍ଥଳରେ ବେତନଟୀ ପୋଲିସ ପହଞ୍ଚି ମୃତଦେହ ଜବତ କରିବା ସହ ସାଇଣ୍ଟିଫିକ ଟିମ ଦ୍ବାରା ତଦନ୍ତ ଆରମ୍ଭ କରିଛି ।
ତେବେ ଯୁବତୀ ଜଣଙ୍କ ଆତ୍ମହତ୍ୟା କରିଛି କିମ୍ବା ହତ୍ୟା କରି ଫିଙ୍ଗି ଦିଆଯାଇଛି ସେ ସଂପର୍କରେ କୌଣସି ତଥ୍ୟ ମିଳିନାହିଁ । ମୃତ ଯୁବତୀ ଜଣଙ୍କ ସେହି ଗ୍ରାମର ସୁନାରାମ କିସ୍କୁଙ୍କର +୩ ପଢୁଥିବା କୋଡିଏ ବର୍ଷର ଝିଅ ସବିତା କିସ୍କୁ ବୋଲି ଜଣାପଡିଛି । ତେବେ ଘଟଣାର ସତ୍ୟତା ଜାଣିବା ପାଇଁ ପୋଲିସ ଅଧିକ ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
