ବାରିପଦା: ଘରୋଇ କଳିର କରୁଣ ପରିଣତି । କକାକୁ ହାଣି ହତ୍ୟା କଲା ପୁତୁରା । ଏଭଳି ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅଧିନ ସିମିଳା ଗ୍ରାମରେ ।
ମିଳିଥିବା ସୂଚନା ଅନୁସାରେ ମାଠ ମୁଣ୍ଢା ତାଙ୍କ ସ୍ତ୍ରୀ କୋଟି ମୁଣ୍ଡାଙ୍କ ସହିତ ଘରେ ଶୋଇଥିବା ବେଳେ ତାଙ୍କ ଘର ନିକଟରେ ରହୁଥିବା ମାଠ ମୁଣ୍ଡାଙ୍କ ପୁତୁରା ଡୋରା ମୁଣ୍ଡା ପୂର୍ବ ଶତ୍ରୁତାକୁ ନେଇ ମାଠ ଏବଂ ତାଙ୍କ ସ୍ତ୍ରୀ କୋଟିକୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ମାଠଙ୍କୁ ହତ୍ୟା କରି ଘର ପଛପଟେ ଥିବା ଅନ୍ୟ ଜଣଙ୍କ ଘର ବାଡ଼ିରେ ନେଇ ଫୋପାଡ଼ି ଦେଇଥିଲା ଅଭିଯୁକ୍ତ । ପରେ ସ୍ତ୍ରୀ କୋଟିକୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି ।
ହତ୍ୟାକାଣ୍ଡ ସମ୍ପର୍କରେ ଗ୍ରାମବାସୀ ପୋଲିସକୁ ଖବର ଦେଇଥିଲେ । ପରେ ଘଟଣାସ୍ଥଳରେ ବାଙ୍ଗିରିପୋଷି ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ପରେ ଅଭିଯୁକ୍ତ ଡୋରା ମୁଣ୍ଡାଙ୍କୁ ଗିରଫ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
