ବାରିପଦା: ଲଗାଣ ବର୍ଷାରେ ବେହାଲ ଜନଜୀବନ। ଲଘୁଚାପ ଜନିତ ବର୍ଷାରେ ବୁଢ଼ାବଳଙ୍ଗ ଓ ଗଙ୍ଗାହାର ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ତେବେ ଗଙ୍ଗାହାର ନଦୀରେ ବନ୍ୟା ଯୋଗୁଁ ମୟୂରଭଞ୍ଜ ଜିଲ୍ଲା ଏମଡିଆର ୭୦ ରାସ୍ତା ତଥା ବୈଶିଙ୍ଗା-ଉଦଳା ରାସ୍ତା ସମ୍ପୂର୍ଣ୍ଣ ଭାବେ ଯୋଗାଯୋଗ ବିଚ୍ଛିନ୍ନ ହୋଇଛି।
କୁଳ ଲଙ୍ଘିଲା ଗଙ୍ଗାହାର ନଦୀ: ବୈଶିଙ୍ଗା-ଉଦଳା ଯୋଗାଯୋଗ ବିଚ୍ଛିନ୍ନ
ବୈଶିଙ୍ଗା-ଉଦଳା ରାସ୍ତା ଉପରେ ବନ୍ୟାଜଳ ପ୍ରବାହିତ ହେଉଥିବାରୁ ଯାତାୟାତ ସମ୍ପୂର୍ଣ୍ଣ ଠପ ହୋଇଯାଇଛି। ଅନ୍ୟ ପକ୍ଷରେ ବେତନଟୀ ଓ ବଡ଼ସାହି ବ୍ଲକରେ ଉଭୟ ବୁଢ଼ାବଳଙ୍ଗ ଓ ଗଙ୍ଗାହାର ନଦୀରେ ବନ୍ୟାଜଳ ପ୍ରବାହିତ ଯୋଗୁଁ ଅନେକ ଗାଁ ଜଳବନ୍ଦୀ ହୋଇଛି। ବୁଢ଼ାବଳଙ୍ଗ ନଦୀରେ ଜଳସ୍ତର ବୃଦ୍ଧି ଯୋଗୁଁ ବାରିପଦା ମଧୁବନ ଅଞ୍ଚଳରେ ରହୁଥିବା ତଳିଆ ଅଞ୍ଚଳ ଗୁଡିକରେ ବନ୍ୟା ଜଳ ପ୍ରବେଶ କରିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
