ମାଲକାଲଗିରି: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଶେଷ ହେଲା ନାମାଙ୍କନ ପତ୍ର ଦାଖଲ ପ୍ରକ୍ରିୟା । ନାମାଙ୍କନ ଦାଖଲର ଶେଷ ଦିନରେ ସମସ୍ତ ରାଜନୈତିକ ଦଳରୁ ପ୍ରାର୍ଥୀମାନେ ଫର୍ମ ପୂରଣ କରିଥିବା ଦେଖିବାକୁ ମିଳିଥିଲା ।
ମାଲକାନଗିରିରେ ନାମାଙ୍କନ ପତ୍ର ଦାଖଲର ଶେଷ ଦିନରେ 15ଟି ଜିଲ୍ଲା ପରିଷଦ ଜୋନ ପାଇଁ ପ୍ରାର୍ଥୀମାନେ ଫର୍ମ ପୂରଣ କରିଛନ୍ତି । ଜିଲ୍ଲା ପରିଷଦ ପାଇଁ ବିଜେପି, ବିଜେଡି ଓ କଂଗ୍ରେସ ପାର୍ଟି ସମେତ ବହୁଜନ ସମାଜ ବାଦି ପାର୍ଟିର 7ଜଣ, ସିପିଆଇ ଏମର 5ଜଣ ଓ ଆମ୍ ଆଦମି ପାର୍ଟିର ଜଣେ ଏବଂ ସ୍ବାଧୀନ ଭାବେ 9 ଜଣ ପ୍ରାର୍ଥୀ ପତ୍ର ଦାଖଲ କରିଛନ୍ତି । ତେବେ ଜିଲ୍ଲାରେ 72 ଜଣ ଜିଲ୍ଲା ପରିଷଦ ପାଇଁ ଫର୍ମ ପୂରଣ କରିଥିବା ମାଲକାନଗିରି ଉପଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ସୂଚନା ଦେଇଛନ୍ତି । ସେହିପରି 111ଟି ପଞ୍ଚାୟତର 449 ଜଣ ସରପଞ୍ଚ, 384 ଜଣ ସମିତିସଭ୍ୟ ଏବଂ 1509ଟି ଓ୍ବାର୍ଡର 1768 ଜଣ ଓ୍ବାର୍ଡମେମ୍ବର ପଦବୀ ପାଇଁ ନାମାଙ୍କନ ଦାଖଲ କରିଛନ୍ତି।
କୋଭିଡ କଟକଣାକୁ ମାନି ସମସ୍ତ ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ କରିଥିଲେ। ଅନ୍ୟ ପଟେ ବିଭିନ୍ନ ସମସ୍ୟା ନେଇ ଜନସାଧାରଣଙ୍କ ନିକଟରେ ପହଞ୍ଚିବା ପାଇଁ ସମସ୍ତ ପ୍ରାର୍ଥୀମାନେ ପ୍ରତିଶୃତି ଦେଇଛନ୍ତି।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
