ମାଲକାନଗିରି:ଏମ୍ଭି-୧୬ ଗ୍ରାମ ନିକଟରେ ଏକ ସଡକ ଦୁର୍ଘଟଣା ଘଟିଛି । ଏଥିରେ ୩ ଜଣ ବାଇକ ଆରୋହୀଙ୍କର ମୃତ୍ୟୁ ଘଟିଛି । ଏଥିସହ ଦୁର୍ଘଟଣାରେ ଜଣେ ନାବାଳିକା ଆହତ ହୋଇଥିବା ଜଣାପଡିଛି । ବାଇକଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି ।
ମିଳିଥିବା ସୂଚନା ଅନୁଯାୟୀ ମାଲକାନଗିରି ଜିଲ୍ଲା ଶିଖପାଲୀ ଗ୍ରାମର 4 ଜଣ ଗୋଟିଏ ବାଇକରେ ସିନ୍ଧ୍ରିମାଳ ଗ୍ରାମକୁ ଯାଉଥିଲେ । ଏହିସମୟରେ ବାଇକଟି ଭାରସାମ୍ୟ ହରାଇ ଏମ୍ଭି-୧୬ ନିକଟସ୍ଥ ଏକ ଗଛରେ ପିଟି ହୋଇଥିଲା । ଫଳରେ ଘଟଣାସ୍ଥଳରେ ବାଇକରେ ବସିଥିବା 3 ଜଣ ଯୁବକଙ୍କ ମୃତ୍ୟୁ ଘଟିଛି । ଏଥିସହ ଜଣେ ଯୁବକଙ୍କ ଅବସ୍ଥା ଗୁରୁତର ରହିଛି । ଖବର ପାଇ ପୋଲିସ ପହଞ୍ଚି ଗୁରୁତରଙ୍କୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି ।
ତେବେ ମୃତକମାନେ ହେଉଛନ୍ତି ଶିଖପାଲୀ ଗ୍ରାମର ରାଜା ମାଢି(୪୨), ତଳଗୁଡାର ମୁକୁନ୍ଦ ପଡିଆମି(୩୦) ଏବଂ ଅନ୍ୟଜଣେ ସିନ୍ଧ୍ରିମାଳର ନାବାଳିକା ହୋଇ ଥିବାବେଳେ ତାଙ୍କ ନାମ ସ୍ପଷ୍ଟ ହୋଇନାହିଁ । ସେହିପରି ଗୁରୁତର ଆହତ ଶିଖପାଲୀ ଗ୍ରାମର ସୁନିତା ମାଢୀ(୧୭) ବୋଲି ଜଣାପଡିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
