କୋରାପୁଟ : ନନ୍ଦପୁର ବ୍ଲକ ଅନ୍ତର୍ଗତ ବାଡେଲ ଗ୍ରାମରେ ଥିବା ଏକ କିୟୋସ୍କ ବ୍ୟାଙ୍କର ତାଲା ଭାଙ୍ଗି ଲୁଟ କରିବା ପାଇଁ ଦୁଇ ଜଣ ଯୁବକ ଚେଷ୍ଟା କରୁଥିଲେ । ସେତିକିବେଳେ ସେହି ବାଟ ଦେଇ ନିତ୍ୟକର୍ମ ସାରିବା ପାଇଁ ଯାଉଥିବା କିୟୋସ୍କର ମାଲିକ ରାମଚନ୍ଦ୍ର ହନ୍ତାଳଙ୍କ ନଜରରେ ଏହି ଦୁଇ ଯୁବକ ତାଲା ଭାଙ୍ଗିବାକୁ ଚେଷ୍ଟା କରୁଥିବାର ଦେଖିଲେ ।
ହନ୍ତାଳ ତୁରନ୍ତ ଗ୍ରାମବାସୀଙ୍କ ସହାୟତାରେ ସେହି ଦୁଇ ଜଣ ଯୁବକଙ୍କୁ କାବୁ କରି ବାନ୍ଧି ରଖିଥିଲେ । ପାଦୁଆ ପୋଲିସକୁ ଏ ସମ୍ପର୍କରେ ଅବଗତ କରାଯିବା ପରେ ଥାନାର ଏସଆଇ ଶୁକ୍ରା ମାଢି ସେହି ଦୁଇ ଯୁବକଙ୍କୁ ଗିରଫ କରିଛନ୍ତି । ଏହି ଦୁଇ ଯୁବକଙ୍କ ମଧ୍ୟରୁ ଜଣେ ସୁନାବେଡାର ଶଙ୍କର ଖରା ହୋଇଥିବା ବେଳେ ଅନ୍ୟଜଣେ କାକୀରିଗୁମ୍ମାର ଅନିରୁଦ୍ଧ ଖୋସଲା ବୋଲି ପୋଲିସ ସୂତ୍ରରୁ ଜଣାପଡିଛି ।
କୋରାପୁଟ ସି.ଏଚ ଶାନ୍ତାକାର, ଇଟିଭି ଭାରତ
