କୋରାପୁଟ: ଦେଢ ମାସ ପରେ ମଧ୍ୟାହ୍ନ ଭୋଜନରେ ଅଣ୍ଡା ପାଇ ଛାତ୍ରଛାତ୍ରୀ ଖୁସି । ଜୟପୁରସ୍ଥିତ କେନ୍ଦ୍ରୀୟ ରୋଷେଇ ଘରୁ କୋରାପୁଟ ଜିଲ୍ଲାର ସହରାଞ୍ଚଳ ସରକାରୀ ବିଦ୍ୟାଳୟକୁ ମଧ୍ୟାହ୍ନ ଭୋଜନ ଯୋଗାଇ ଦିଆଯାଇଥାଏ । ଗତ ଦେଢ଼ ମାସ ଧରି ଅଣ୍ଡା ଦିଆଯାଉନଥିଲା କିନ୍ତୁ ଆଜି (ବୁଧବାର) ପିଲାଙ୍କୁ ପୁଣିଥରେ ଅଣ୍ଡା ଦିଆଯିବା ଯୋଗୁଁ ପିଲାଙ୍କ ମନରେ ଖୁସି ଭରିଯାଇଛି ।
ଢେଡମାସ ପରେ ମଧ୍ୟାହ୍ନ ଭୋଜନରେ ଅଣ୍ଡା ପାଇ ଛାତ୍ରଛାତ୍ରୀ ଖୁସି
ରାଜ୍ୟର ସମସ୍ତ ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମଧ୍ୟାହ୍ନ ଭୋଜନରେ ସପ୍ତାହର ଦୁଇଦିନ ଅଣ୍ଡା ଦିଆଯାଉଛି । ତେବେ ଚଳିତ ବର୍ଷ ଜାନୁଆରୀ ମାସ ଆରମ୍ଭରୁ କୌଣସି କାରଣରୁ ମଧ୍ୟାହ୍ନ ଭୋଜନରୁ ଅଣ୍ଡା ଉଭାନ ହୋଇଯିବା ଫଳରେ ପିଲାଙ୍କ ମନରେ ଦୁଃଖ ଭରିଯାଇଥିଲା । ପୂର୍ବ ବର୍ଷ ଗୁଡିକରେ ଅଣ୍ଡା ଦିଆନଯିବା ଦିନ ପିଲାଙ୍କୁ କଦଳୀ କିମ୍ବା ବିସ୍କୁଟ ପ୍ରଦାନ କରାଯାଉଥିଲା । କିନ୍ତୁ ଏଥର ଅଣ୍ଡା ବଦଳରେ ପିଲାଙ୍କୁ କିଛି ନମିଳିବା ଯୋଗୁଁ ଏହି ଦେଢମାସର ଅଣ୍ଡା ପଇସା କିଏ ଖାଇଗଲା ବୋଲି ପ୍ରଶ୍ନ ଉଠିଛି ।
କୋରାପୁଟରୁ ସି.ଏଚ. ଶାନ୍ତାକାର, ଇଟିଭି ଭାରତ
