ଭୁବନେଶ୍ବର: 5ଟି ଅଧ୍ୟକ୍ଷ ଭିକେ ପାଣ୍ଡିଆନଙ୍କୁ ଶୁଭେଚ୍ଛା ପାଇଁ ଭିଡ । ନୂଆ ଦାୟିତ୍ବ ନେବା ପରେ ପାଣ୍ଡିଆନଙ୍କୁ ଶୁଭେଚ୍ଛା ଜଣାଇବା ପାଇଁ ସରକାରୀ ଅଧିକାରୀ ଏବଂ କର୍ମଚାରୀଙ୍କ ଗତକାଲି ଲାଗିଥିଲା ଭିଡ । ଶୁଭେଚ୍ଛା ପାଇଁ ବିଭିନ୍ନ ସଂଗଠନ ଓ ସରକାରୀ କର୍ମଚାରୀ ସଂଘ ନବୀନ ନିବାସରେ ଭିଡ ଲଗାଇଥିଲେ ।
ରାଜ୍ୟ ସରକାରଙ୍କ ବିଭିନ୍ନ ସେବା ସଙ୍ଗଠନ ଆଜି 5T ନବୀନ ଓଡିଶାର ଅଧ୍ୟକ୍ଷ ଭି.କେ ପାଣ୍ଡିଆନଙ୍କୁ ନବୀନ ନିବାସରେ ଭେଟି ତାଙ୍କୁ ନୂତନ କାର୍ଯ୍ୟ ପାଇଁ ଶୁଭେଚ୍ଛା ଜଣାଇଛନ୍ତି । ସେବା ଆସୋସିଏସନ ନବୀନ ନିବାସରେ 5T ଅଧ୍ୟକ୍ଷ ଭିକେ ପାଣ୍ଡିଆନଙ୍କୁ ଭେଟି ଶୁଭେଚ୍ଛା ଜଣାଇଛନ୍ତି । 5T ଇନିସିଏଟିଭ ଏବଂ ନବୀନ ଓଡିଶାର ଅଧ୍ୟକ୍ଷ ଭାବରେ ନୂତନ ଭୂମିକା ଗ୍ରହଣ କରିଥିବାରୁ ସେମାନେ ଖୁସି ବ୍ୟକ୍ତ କରିଛନ୍ତି।
ଅଧିକ ପଢନ୍ତୁ- Aparajita On Pandian VRS: ‘ଏହି ବାବୁ ପୁରା ଶାସନ ବ୍ୟବସ୍ଥାକୁ ହାଇଜାକ କରିଛନ୍ତି’
ବିଭିନ୍ନ ସଂଗଠନ କହିଛନ୍ତି ମୁଖ୍ୟମନ୍ତ୍ରୀଙ୍କ ଦୂରଦୃଷ୍ଟି ହାସଲ କରି ସେ ରାଜ୍ୟର ପରିବର୍ତ୍ତନକୁ ଆଗେଇ ନେଇଛନ୍ତି । ବର୍ତ୍ତମାନ ପରିବର୍ତ୍ତନ ଆହୁରି ଅଧିକ ସ୍ପଷ୍ଟ ହେବ । ଶୁଭେଚ୍ଛା ଶୁଭକାମନା ଓ ସହଯୋଗ ପାଇଁ ମଧ୍ୟ ଭିକେ ପାଣ୍ଡିଆନ ବିଭିନ୍ନ ଆସୋସିଏସନ ଓ ସଦସ୍ୟ ମାନଙ୍କୁ ଧନ୍ୟବାଦ ଜଣାଇ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ସରକାରୀ ଯନ୍ତ୍ରପାତି ରାଜ୍ୟରେ ପ୍ରତ୍ୟେକ ବ୍ୟକ୍ତିଙ୍କ ଜୀବନରେ ପ୍ରକୃତ ପରିବର୍ତ୍ତନ ଆଣିବାକୁ ପ୍ରତିଶ୍ରୁତିବଦ୍ଧ । ଏଥିପାଇଁ ଓଡିଶାର ଲୋକଙ୍କ କଲ୍ୟାଣ ପାଇଁ ସମସ୍ତଙ୍କ ସହଯୋଗ କାମନା କରିଛନ୍ତି ।
ଗତକାଲି 5ଟି ଅଧ୍ୟକ୍ଷ ଭିକେ ପାଣ୍ଡିଆନଙ୍କୁ ଭେଟିଥିବା ସଂଘଙ୍କ ମଧ୍ୟରେ ରହିଛନ୍ତି ଓଡିଶା ସଚିବାଳୟ ସେବା ସଂଘ। ଓଡିଶା ସଚିବାଳୟ PS ଏବଂ PA ସେବା ସଂଘ। ଓଡ଼ିଶା ରାଜସ୍ବ ଅମଲା ସଙ୍ଘ। ଆଉଟ ସୋର୍ସିଂ କର୍ମଚାରୀ ଫେଡେରେସନ । ଓଡିଶା ସରକାରୀ ଚୁକ୍ତିଭିତ୍ତିକ କର୍ମଚାରୀ ସଂଘ। VAW ଆସୋସିଏସନ। RBSK ଆୟୁଷ ଡାକ୍ତର ସଂଘ। ସରକାରୀ ଉଚ୍ଚ ବିଦ୍ୟାଳୟ ସିବିଟି ଶିକ୍ଷକ ସଂଘ। ସରକାରୀ ଉଚ୍ଚ ବିଦ୍ୟାଳୟ NPS ଶିକ୍ଷକ ସଂଘ। ST ଏବଂ SC ଲେଡି ମ୍ୟାଟ୍ରନ ଆସୋସିଏସନ। ଓଡିଶା HoD ବିଭାଗ ଅଧିକାରୀ ସଂଘ। ଜଙ୍ଗଲ DLR ଆସୋସିଏସନ। ଏକାଧିକ ଉଦ୍ଦେଶ୍ୟ ସ୍ବାସ୍ଥ୍ୟ କର୍ମୀ ସଂଘ। ଓଡିଶା ପୋଲିସ ସେବା ସଂଘ। ଓଡିଶା ପୋଲିସ ଆସୋସିଏସନ। ଓଡିଶା ପୋଲିସ ହାଭିଲଦାର, ସିପାହୀ ଏବଂ କନଷ୍ଟେବଲ ଆସୋସିଏସନ।
ଇଟିଭି ଭାରତ, ଭୁବନେଶ୍ବର
