ଗୁଳିମାଡରେ ଯୁବକ ଗୁରୁତର, ଦୁର୍ବୃତ୍ତ ଫେରାର

ପଦନପୁର ଗ୍ରାମର ରଙ୍କ ରାଉତ ନିଜ ଘରକୁ ଫେରୁଥିବା ସମୟରେ 2ଜଣ ମୁଖାପିନ୍ଧା ଯୁବକ ଆସି ତାଙ୍କ ଗୋଡକୁ ଗୁଳି ମାଡ଼ କରି ଫେରାର ହୋଇଯାଇଥିଲେ ।

ଖୋର୍ଦ୍ଧା: ବୁଧବାର ରାତିରେ ଜଟଣୀ ପଦନପୁରରେ ଗୁଳିମାଡ। ଗୁଳିମାଡ଼ରେ ରଙ୍କ ରାଉତ ନାମକ ଯୁବକ ଗୁରୁତର ଆହତ ହୋଇଛନ୍ତି ।

ସୂଚନାନୁଯାୟୀ, ପଦନପୁର ଗ୍ରାମର ରଙ୍କ ରାଉତ ନିଜ ଘରକୁ ଫେରୁଥିବା ସମୟରେ 2ଜଣ ମୁଖାପିନ୍ଧା ଯୁବକ ଆସି ତାଙ୍କ ଗୋଡକୁ ଗୁଳି ମାଡ଼ କରି ଫେରାର ହୋଇଯାଇଥିଲେ । ଗୁରୁତର ଯୁବକଙ୍କୁ ପ୍ରଥମେ ଜଟଣୀ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଓ ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି । ସେପଟେ ଜଟଣୀ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ଜମିଜମା ବିବାଦରୁ ଗୁଳିମାଡ଼ ହୋଇଥିବା ଅନୁମାନ କରାଯାଉଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ