ଖୋର୍ଦ୍ଧା: ବେଗୁନିଆ ଥାନା ଅନ୍ତର୍ଗତ କଡବ ପଞ୍ଚାୟତ ଚଟୁଆ ଗ୍ରାମରେ ନବବିବାହିତ ମହିଳାଙ୍କୁ ହତ୍ୟା କରାଯାଇଥିବା ବେଗୁନିଆ ଥାନାରେ ଅଭିଯୋଗ ହୋଇଛି।
ଅଭିଯୋଗରୁ ଜଣାପଡ଼ିଛି ଯେ, କଟକ ଜିଲ୍ଲା ବାଙ୍କୀ ଥାନା ତାଳବସ୍ତ ପଞ୍ଚାୟତ ଅନ୍ତର୍ଗତ ରାଉତରାପୁର ଗ୍ରାମର ପ୍ରମୋଦ କୁମାର ସାହୁଙ୍କ ଝିଅ ବେଗୁନିଆ ଥାନା ଅନ୍ତର୍ଗତ କଡବ ପଞ୍ଚାୟତ ଚଟୁଆ ଗ୍ରାମର ରାଜେଶ କୁମାର ସାହୁଙ୍କୁ ୯ ମାସ ତଳେ ବିବାହ କରିଥିଲେ। ବିବାହର କିଛିଦିନ ପରେ ଅନ୍ନପୂର୍ଣ୍ଣାଙ୍କୁ ଶାଶୁଘର ପକ୍ଷରୁ ଯୌତୁକ ନିର୍ଯାତନା ଦିଆଯାଇଥିଲା। ଶେଷରେ ଶାଶୁଘର ଲୋକେ ଅନ୍ନପୂର୍ଣ୍ଣାଙ୍କୁ ମାରି ଦେଇଥିବା ନେଇ ଅନ୍ନପୂର୍ଣ୍ଣାଙ୍କ ବାପା ରବିବାର ବେଗୁନିଆ ଥାନାରେ ଲିଖିତ ଅଭିଯୋଗ କରିଛନ୍ତି।
ବେଗୁନିଆ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇବା ସହିତ ଅନ୍ନପୂର୍ଣ୍ଣାଙ୍କ ସ୍ବାମୀ ଓ ଦିଅରଙ୍କୁ ଥାନାରେ ଅଟକ ରଖି ଘଟଣା ତଦନ୍ତ କରୁଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
