ଖୋର୍ଦ୍ଧା : ରବିବାର ଜଟଣୀ ପୋଲିସ ରାତ୍ରୀକାଳିନ ପେଟ୍ରୋଲିଂ କରୁଥିବା ସମୟରେ ଡକାୟତଙ୍କୁ ଗିରଫ କରିଛି ପୋଲିସ । 16ନଂ ଜାତୀୟ ରାଜପଥର ଗଙ୍ଗାପଡା ନିକଟ ପାର୍କିଂ ଅଞ୍ଚଳରେ ଡକାୟତି ପାଇଁ ଯୋଜନା କରୁଥିବା ଖବର ପାଇ ପୋଲିସ ସେଠାରେ ଚଢାଉ କରିଥିଲା ।
ଚଢ଼ାଉ ସମୟରେ ପୋଲିସ ସେମାନଙ୍କ ଠାରୁ ଡକାୟତିରେ ବ୍ୟବହୃତ ବିଭିନ୍ନ ମାରଣାସ୍ତ୍ର ଜବତ କରିବା ସହ ଗୋଟିଏ ବୋଲେରୋ, ଗୋଟିଏ ପିକଅପ ଭ୍ୟାନ, 4ଟି ମୋଟରସାଇକେଲ ଓ 2ଟି ମୋବାଇଲ ଫୋନ ଜବତ କରିଛି ।
ତେବେ ଏହି ଘଟଣାରେ ଜଟଣୀ ପୋଲିସ 5 ଡକାୟତଙ୍କୁ ଗିରଫ କରିଛି । ଗିରଫ ଯୁବକମାନେ ହେଲେ ଖୋର୍ଦ୍ଧା ମୁକୁନ୍ଦପ୍ରସାଦ ଅଞ୍ଚଳର ରାଜା ଦଳବେହେରା ଓ ଉଜିନ ଖାନ, ଜଟଣୀ ରଥୀପୁର ଅଞ୍ଚଳର ଏସକେ କାସିମ, ରମାକାନ୍ତ ସ୍ବାଇଁ ଓ ଫୁଲବାଣୀର କାହ୍ନୁ ପରିଡା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
