ଖୋର୍ଦ୍ଧା: ପୋଲିସକୁ ଗ୍ରାମବାସୀଙ୍କ ସଂଘବଦ୍ଧ ଆକ୍ରମଣ ଘଟଣାରେ ଆଜି ବେଗୁନିଆ ପୋଲିସ ବଡ଼ନୟାପଲ୍ଲୀ ଗ୍ରାମର ୧୦ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ସୂଚନାମୁତାବକ, ବଡ଼ନୂଆପଲ୍ଳୀ ଗ୍ରାମର ଜଣେ ନାବାଳିକାଙ୍କୁ ସେହି ଗ୍ରାମର ଜଣେ ନାବଳକ ଅପହରଣ କରିଥିବା ନେଇ ବେଗୁନିଆ ଥାନାରେ ନାବାଳିକାଙ୍କ ବାପା ଅଭିଯୋଗ କରିଥିଲେ । ଏହି ଘଟଣାରେ ପୋଲିସ ରବିବାର ରାତିରେ ନାବାଳକଙ୍କ ଘର ଉପରେ ଚଢାଉ କରିଥିଲେ ।
ପୋଲିସର ଚଢାଉ ଦେଖି ୨୦ରୁ ଉର୍ଦ୍ଧ୍ବ ମହିଳା ଓ ପୁରୁଷ ମିଶି ପୋଲିସ ଉପରକୁ ଢେଲା ପଥର ଓ ଠେଙ୍ଗାରେ ଆକ୍ରମଣ କରିଥିଲେ । ଏହି ଆକ୍ରମଣରେ ବେଗୁନିଆ ଥାନାର ଜଣେ ସବଇନ୍ସପେକ୍ଟର ଓ ଦୁଇ ଜଣ କନେଷ୍ଟବଳ ଗୁରୁତର ଆହତ ହୋଇଥିଲେ । ପୋଲିସ ଏହି ଘଟଣାକୁ ଗୁରୁତର ଭାବେ ନେଇ ଆକ୍ରମଣକାରୀଙ୍କ ବିରୁଦ୍ଧରେ ଏକ ମାମଲା ରୁଜୁ କରିଥିଲା ।
ଆଜି ଏସପିଙ୍କ ନିଦ୍ଦେର୍ଶରେ ଏକ ସ୍ୱତନ୍ତ୍ର ଟିମ ନୂଆପଲ୍ଳୀ ଗ୍ରାମରେ ଚଢାଉ କରି ଦଶ ଜଣ ଆକ୍ରମଣକାରୀଙ୍କୁ ଗିରଫ କରି କୋର୍ଟ ଚାଲାଣ କରିଥିବାର ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
