ଖୋର୍ଦ୍ଧା: ଚାଷୀଙ୍କ ଚାଷ କାମରେ ବାଧା ସାଜିଛି ଜମି ମାଲିକ । ରାଜ୍ୟ ସରକାର ଚାଷୀ ଓ ଚାଷକୁ ପ୍ରଧାନ୍ୟ ଦେଇ ଚାଷୀଙ୍କ ହିତରେ ଅନେକ ଯୋଜନା କରିଛନ୍ତି। ମାତ୍ର କିଛି ଖଳ ପ୍ରକୃୃତିର ଲୋକ ନିଜର ସ୍ୱାର୍ଥ ପାଇଁ ଚାଷୀଙ୍କୁ ନିଜର ଚାଷ କାର୍ଯ୍ୟ କରିବାରେ ବାଧକ ସାଜୁଛନ୍ତି । ଏପରି ଏକ ସଙ୍ଗିନ ଅଭିଯୋଗ ଆଣିଛନ୍ତି ଖୋର୍ଦ୍ଧା ଜିଲ୍ଲା ପୁବୁସାହି ପଞ୍ଚାୟତର ସାନନୂଆଗାଁ ଏବଂ ଓଳସିଙ୍ଗ ମୌଜାରେ ଥିବା ଜମିର ଚାଷୀମାନେ ।
ଜିଲ୍ଲାପାଳଙ୍କ ନିକଟରେ ଫେରାଦ ହେଲେ ଚାଷୀ
ଚାଷ ଜମିର ଉପର ମୁଣ୍ଡରେ ଥିବା ଜମି ମାଲିକ ସେମାନଙ୍କ ଜାଗାରେ ସ୍ଥାୟୀ ବାଡ଼ କରିଥିବା କାରଣରୁ ତଳ ମୁଣ୍ଡର ଚାଷୀମାନେ ନିଜ ଜମିକୁ ଯାଇପାରୁ ନାହାନ୍ତି କି ଚାଷ କାର୍ଯ୍ୟ ମଧ୍ୟ କରିପାରୁ ନାହାନ୍ତି । ଏନେଇ ଆଜି ଚାଷୀମାନେ ଖୋର୍ଦ୍ଧା ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
