ଖୋର୍ଦ୍ଧା: ଘନଉଛି ସାରୁଅ ଠିକା ଶ୍ରମିକ ବିବାଦ । ଖୋର୍ଦ୍ଧା ସାରୁଅରେ ଥିବା ଘରୋଇ ଗଣମାଧ୍ୟମ ସଂସ୍ଥାର ଷ୍ଟୁଡିଓ ଗେଟ ସମ୍ମୁଖରେ ଶ୍ରମିକଙ୍କ ଧାରଣା ଚତୁର୍ଥ ଦିନରେ ଜାରି ରହିଛି । ଆଜି(ବୁଧବାର) ଧାରଣାସ୍ଥଳରେ ପହଞ୍ଚିଛନ୍ତି ରାଷ୍ଟ୍ରୀୟ ଦଳିତ ମହାସଂଘର ରାଜ୍ୟ ସଭାପତି ଅଶୋକ ମଲ୍ଲିକ, ଉପଦେଷ୍ଟା ରବି ସେଠୀ ଓ ଅମୀୟ ସେଠୀ ।
ଅଶୋକ ମଲିକଙ୍କ ନେତୃତ୍ବରେ ତିନି ଜଣିଆ ଟିମ ଗଣାମାଧ୍ୟମ ଷ୍ଟୁଡିଓ ୟୁନିଟ ସାମ୍ନାରେ ଧାରଣାରେ ବସିଥିବା ଠିକା ଶ୍ରମିକମାନଙ୍କୁ ଭେଟି ଆଲୋଚନା କରିଛନ୍ତି ଏବଂ ଘଟଣାରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଦାବି କରିଛନ୍ତି । ସେହିପରି ତୁରନ୍ତ ଏହାର ସମାଧାନ କରାନଗଲେ ଆଗାମୀ ଦିନରେ ଦଳିତ ମହାସଂଘ ସାରୁଅ ଠିକା ଶ୍ରମିକଙ୍କ ଦାବିକୁ ନେଇ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛନ୍ତି ।
ଘରୋଇ ଗଣମାଧ୍ୟମ ସଂସ୍ଥା ଠିକା କର୍ମଚାରୀମାନଙ୍କୁ ଷ୍ଟୁଡିଓ ଭିତରକୁ କାମ କରିବା ପାଇଁ ନ ଛାଡିବାରୁ ପ୍ରତିବାଦ କରି ଶ୍ରମିକମାନେ 4 ଦିନ ହେଲା ଧାରଣାରେ ବସି ରହିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
