ଛାତ୍ରବୃତ୍ତି ଦୁର୍ନୀତି ଅଭିଯୋଗ, ବ୍ୟାପକ ଆନ୍ଦୋଳନ କରିବ ବିଜେପି ଯୁବ ମୋର୍ଚ୍ଚା

ରାଜ୍ୟ ସରକାର ଦୁର୍ନୀତିରେ ବୁଡି ରହିଛନ୍ତି । ଯାହା ସିଏଜି ରିପୋର୍ଟରୁ ଖୁଲାସା ହୋଇଛି । ରାଜ୍ୟରେ ଛାତ୍ର ବୃତ୍ତି ଦୁର୍ନୀତି ହୋଇଥିବା ସିଏଜି ରିପୋର୍ଟରୁ ସ୍ପଷ୍ଟ । କେନ୍ଦ୍ର ସରକାର ଦୁର୍ନୀତି ରୋକିବାକୁ ଡିବିଟି ବ୍ୟବସ୍ଥା ଲାଗୁ କଲେ । ମାତ୍ର ରାଜ୍ୟ ସରକାର ଭୂତ ସ୍କୁଲ ଓ ଆକାଉଣ୍ଟକୁ ଅର୍ଥ ଛାତ୍ର ବୃତ୍ତି ଟଙ୍କା ପଠାଇଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ଛାତ୍ରବୃତ୍ତି ଦୁର୍ନୀତି ପ୍ରତିବାଦରେ ବ୍ୟାପକ ଆନ୍ଦୋଳନ କରିବ ବିଜେପି ଯୁବ ମୋର୍ଚ୍ଚା । ଆସନ୍ତାକାଲି ଠାରୁ ରାଜ୍ୟ ସାରା ସବୁ ଜିଲ୍ଲା ମୁଖ୍ୟାଳୟରେ ଆରମ୍ଭ ହେବ ଆନ୍ଦୋଳନ । ପରବର୍ତ୍ତୀ ସମୟରେ ତୃଣମୂଳ ସ୍ତରକୁ ବ୍ୟାପିବ ଏହି ଆନ୍ଦୋଳନ ।

ରାଜ୍ୟ ସରକାର ଦୁର୍ନୀତିରେ ବୁଡି ରହିଛନ୍ତି । ଯାହା ସିଏଜି ରିପୋର୍ଟରୁ ଖୁଲାସା ହୋଇଛି । ରାଜ୍ୟରେ ଛାତ୍ର ବୃତ୍ତି ଦୁର୍ନୀତି ହୋଇଥିବା ସିଏଜି ରିପୋର୍ଟରୁ ସ୍ପଷ୍ଟ । କେନ୍ଦ୍ର ସରକାର ଦୁର୍ନୀତି ରୋକିବାକୁ ଡିବିଟି ବ୍ୟବସ୍ଥା ଲାଗୁ କଲେ । ମାତ୍ର ରାଜ୍ୟ ସରକାର ଭୂତ ସ୍କୁଲ ଓ ଆକାଉଣ୍ଟକୁ ଅର୍ଥ ଛାତ୍ର ବୃତ୍ତି ଟଙ୍କା ପଠାଇଛନ୍ତି । ଅନୁସୂଚିତ ଜାତି ଏବଂ ଜନଜାତି ପିଲାଙ୍କୁ ମେଧାବୃତ୍ତି ଆକାରରେ ପଇସା ମିଳିବା କଥା । ମାତ୍ର ଏବେ ବି 30 ପ୍ରତିଶତ ପିଲା ଏହି ବୃତ୍ତି ପାଇନାହାନ୍ତି । ଅନୁମୋଦନ ମିଳିନଥିବା BSS ନାମକ ତାମିଲ ସଂସ୍ଥା ଓ NCVRT ନାମକ ଅଣ ଓଡ଼ିଆ ସଂସ୍ଥା ବାଲେଶ୍ଵର ଓ ମୟୂରଭଞ୍ଜରେ ଶିକ୍ଷାନୁଷ୍ଠାନ କରିଥିଲେ । କିନ୍ତୁ 16ଟିରୁ 8ଟି ଶିକ୍ଷାନୁଷ୍ଠାନ ର ଆଦୌ ସ୍ଥିତି ନାହିଁ । ଦୁଇଟି ସଂସ୍ଥା ୧୬ କୋଟି ଟଙ୍କା ଲୁଟି ନେଇଛନ୍ତି । ପିସି ନେଇ ଏଭଳି କାରବାର ଚାଲିଛି । ପୋଷ୍ଟ ମାଟ୍ରିକ ଛାତ୍ରବୃତ୍ତିରେ ପାଖାପାଖି 2 କୋଟି 37 ଲକ୍ଷ ଟଙ୍କା 2019ରୁ 2021 ମଧ୍ୟରେ ବାଟମାରଣା ହୋଇଛି । 5Tର ଏହା ହେଉଛି ପ୍ରକୃତ ଚେହେରା । 5T ର T ଅର୍ଥ ହେଉଛି ଟାଉଟର ବୋଲି ବିଜେପି ଯୁବମୋର୍ଚ୍ଚା ଅଭିଯୋଗ କରିଛି ।

ସେହିପରି ମୋର୍ଚ୍ଚା ଅଭିଯୋଗ କରିଛି ରାଜ୍ୟ ସରକାରଙ୍କର ସ୍ଵଚ୍ଛ ଶାସନର ମିଛ ଡିଣ୍ଡିମ ପିଟାଯାଉଛି । ଏହା ଏକ ପ୍ରହେଳିକା ସୃଷ୍ଟି କରାଯାଇଛି । ରାଜ୍ୟରେ ଖଣି, ପାଣି ଲୁଟ କରୁଛନ୍ତି । ସବୁଠୁ ବଡ଼ କଥା ଛାତ୍ରଛାତ୍ରୀ ମାନଙ୍କ ବୃତ୍ତି ପଇସାକୁ ଛାଡିଲେ ନାହିଁ । ସିଏଜି ରିପୋର୍ଟ ଆସିବା ପରେ ଏହାର ଖୁଲାସା ହୋଇଛି । ଏହାକୁ ନେଇ ବିଜେପି ଯୁବମୋର୍ଚ୍ଚା ଚୁପ ବସିବ ନାହିଁ । ରାଜ୍ୟ ସରକାରଙ୍କ ଏହି ଦୁର୍ନୀତିକୁ ପଦାରେ ପକାଇବୁ । ଆଗାମୀ ନିର୍ବାଚନରେ ଏହାର ଜବାବ ଦେବେ ଓଡ଼ିଶାର ଯୁବକ ଯୁବତୀ ମାନେ ବୋଲି ମୋର୍ଚ୍ଚା କହିଛି ।

ଇଟିଭି ଭାରତ, ଭୁବନେଶ୍ବର