ଭୁବନେଶ୍ବର: ଧଳା ଜହର କବଳରୁ ମୁକୁଳି ପାରୁନାହିଁ ରାଜଧାନୀ ଭୁବନେଶ୍ବର । ସହରର ଯେତିକି ବିସ୍ତାର ଘଟୁଛି ବ୍ରାଉନ ସୁଗାର ବେପାରୀଙ୍କ ମାତ୍ରା ସେତିକି ବଢିବାରେ ଲାଗିଛି ।
କେବଳ ଏତିକି ନୁହେଁ ବ୍ୟବସାୟର ତରିକା ବି ବଦଳିବାରେ ଲାଗିଛି । ମଙ୍ଗଳବାର କେନ୍ଦ୍ରାଞ୍ଚଳ ଗୁଇନ୍ଦା ଅବକାରୀ ବିଭାଗ ଜଣେ ବେପାରୀକୁ ଗିରଫ କରିବା ସହିତ ତା ନିକଟରୁ ପ୍ରାୟ 4 ଲକ୍ଷ ଟଙ୍କା ମୂଲ୍ୟର 39 ଗ୍ରାମ ବ୍ରାଉନ ସୁଗାର ଜବତ କରିଛି । ଗିରଫ ବେପାରୀ ଜଣଙ୍କ ହେଉଛି ପଳାଶୁଣି ଅଞ୍ଚଳର ଜଗନ୍ନାଥ ମହାପାତ୍ର ।
ତେବେ ସବୁଠୁ ରୋଚକ କଥା ହେଉଛି ଯେ ଗିରଫ ହୋଇଥିବା ବ୍ୟକ୍ତି ଜଣଙ୍କ ବ୍ରାଉନସୁଗାର ବେପାର ପାଇଁ କରିଥିଲା ଚାକିରୀ । ଦରମା ପାଉଥିଲା 10 ହଜାର ଟଙ୍କା । ଆଉ ଅଧିକ ବିକ୍ରି କଲେ ମିଳୁଥିଲା ଅଧିକ ପିସି । ବେପାର ପାଇଁ ଆବଶ୍ୟକତା ନାହିଁ ଯୋଗ୍ୟତା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
