ଖୋର୍ଦ୍ଧା: ଚୋରା ବାଇକ ରାକେଟର ପର୍ଦ୍ଦାଫାସ କରିଛି ଖୋର୍ଦ୍ଧା ଆଦର୍ଶ ଥାନା ପୋଲିସ । ଘଟଣାରେ ଚାରି ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଖୋର୍ଦ୍ଧା ପୁରୁଣା ବସଷ୍ଟାଣ୍ଡ ନିକଟରେ ଚୋରା ବାଇକ କାରବାର ଚାଲିଥିବା ବିଶ୍ବସ୍ତ ସୂତ୍ରରୁ ଖବର ପାଇ ଆଦର୍ଶ ଥାନାର ଏକ ଟିମ ଚଢ଼ାଉ କରିଥିଲା । ଚଢ଼ାଉ ବେଳେ ପୋଲିସ ଅଭିଯୁକ୍ତ ସର୍ବେଶ୍ୱର ବାରିକଙ୍କୁ ଗିରଫ କରିବା ସହ ତାଙ୍କ ନିକଟରୁ ଗୋଟେ ଚୋରା ବାଇକ ଏବଂ ତାଙ୍କ ଘରୁ ୨ ଗୋଟି ଚୋରା ବାଇକ ଜବତ କରିଛି । ସେହିପରି ଭାବେ ଅଭିଯୁକ୍ତ ଠାରୁ ସୂଚନା ପାଇ ପୋଲିସ ଆଉ ୬ ଗୋଟି ଚୋରା ବାଇକ ଉଦ୍ଧାର କରିବା ସହ ଉକ୍ତ କାରବାରରେ ସମ୍ପୃକ୍ତ ଥିବା ୪ ଅଭିଯୁକ୍ତଙ୍କୁ ଗିରଫ କରିଛି ।
ଇଟିଭି ଭାରତ, ଖୋର୍ଦ୍ଧା
