କେନ୍ଦୁଝର: ଜିଲ୍ଲା ହରିଚନ୍ଦନପୁର ବ୍ଲକ ଜିରାଙ୍ଗ ଗ୍ରାମ ପଞ୍ଚାୟତ କରଞ୍ଜିଆ ଗ୍ରାମରେ ବେକରେ ରଶି ଲଗାଇ ଜଣେ ଯୁବକ ଆତ୍ମହତ୍ୟା କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି ।
ମୃତକ ଜଣକ ନିରାକାର ସାହୁଙ୍କ ପୁତ୍ର ଶାନ୍ତନୁ କୁମାର ସାହୁ ବୋଲି ଜଣାପଡିଛି । ମୃତକ ଜଣକ ପୀଠାଗୋଳା ଧାନମଣ୍ଡିରୁ ଘରକୁ ଫେରି ରାତିରେ ଶୋଇଥିଲା ପରେ ବାହାରକୁ ଯାଇଥିଲେ । ମଙ୍ଗଳବାର କୋଳଥ ତୋଳିବାକୁ ମୃତକଙ୍କ ପିତା ବିଲକୁ ଆସୁଥିବାବେଳେ ପୁଅର ମୃତଦେହ ଗଛରେ ଝୁଲୁଥିବା ଦେଖିବାକୁ ପାଇଥିବା ସେ କହିଛନ୍ତି ।
ସୂଚନା ଅନୁଯାୟୀ ଶାନ୍ତନୁ ପୀଠଗୋଳା ଧାନମଣ୍ଡିକୁ ଧାନ ଦେବାକୁ ଯାଇଥିବାବେଳେ କଣ୍ଟା କରୁଥିବା ଲୋକଙ୍କ ସହ ଝଗଡ଼ା ହୋଇଥିଲା । କିନ୍ତୁ ସେମାନଙ୍କ ସହ ବୁଝାମଣା ହେବା ପରେ ସେ ଘରକୁ ଫେରିଥିଲେ । ହରିଚନ୍ଦନପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ କେନ୍ଦୁଝର ପଠାଇ ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
