କେନ୍ଦୁଝର: ସାର୍ବଜନିକ ରାସ୍ତା ଅବରୋଧକୁ ନେଇ ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ । ରାସ୍ତା ଉପରେ ନିର୍ଭର କରି ଚଳି ଆସିଥିବା ଗ୍ରାମବାସୀଙ୍କୁ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି ବୋଲି ଅଭିଯୋଗ ହୋଇଛି ।
ପୂର୍ବ କାଳରୁ ଗାଁ ପୋଖରୀକୁ ଯିବା ଆସିବା ପାଇଁ ରାସ୍ତା ଥିଲା । ଏହି ରାସ୍ତା କୁ ଗାଁର ସବୁ ଲୋକେ ପୋଖରୀକୁ ଶୌଚ, ଗାଧୋଇବା ପାଇଁ ବ୍ୟବହାର କରି ଆସୁଥିଲେ । କିନ୍ତୁ ଗ୍ରାମର ଦୁଇଜଣ ପ୍ରଭାବଶାଳୀ ଲୋକ ଉକ୍ତ ରାସ୍ତାକୁ ଅବରୋଧ କରିବା ସହ ସଂଲଗ୍ନ ଜମି କୁ ଅବରୋଧ କରି ଚାଷ କାର୍ଯ୍ୟ ଆରମ୍ଭ କରିଦେଇଛନ୍ତି ।
ଫଳରେ ଏହି ରାସ୍ତା ଉପରେ ନିର୍ଭର କରି ଚଳି ଆସିଥିବା ଗ୍ରାମବାସୀଙ୍କୁ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି ବୋଲି ଅଭିଯୋଗ ହୋଇଛି । ଏନେଇ ସଦର ବ୍ଲକ ଅନ୍ତର୍ଗତ କେମ୍ପସଢା ଗ୍ରାମର ଶତାଧିକ ଗ୍ରାମବାସୀ ଜିଲ୍ଲାପାଳ ଙ୍କ ଦ୍ୱାରସ୍ଥ ହୋଇଛନ୍ତି । ଏହାର ଶୀଘ୍ର ସମାଧାନ କରି ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ଗ୍ରାମବାସୀ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
