କେନ୍ଦୁଝର: ରାଜ୍ୟରେ ଦୀର୍ଘଦିନ ଧରି ବିଦ୍ୟୁତ ଦର ବୃଦ୍ଧି ହେବା ସତ୍ତ୍ବେ ଦରରେ ହ୍ରାସ ନ ଘଟିବା ଓ ଓଡ଼ିଶାର ଜନସାଧାରଣ ଜନତାଙ୍କୁ ନିରଵଛିନ୍ନ ଭାବେ ବିଦ୍ୟୁତ ଯୋଗାଇବା ଦାବିରେ ଆଜି (ମଙ୍ଗଳବାର) ବିଜେପି ତରଫରୁ ସାରା ରାଜ୍ୟରେ ବିକ୍ଷୋଭ ପଦର୍ଶନ କରାଯାଇଛି ।
ଏନେଇ ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାଧାକାନ୍ତ ମହାନ୍ତଙ୍କ ନେତୃତ୍ୱରେ ବିଜେପି କାର୍ଯ୍ୟକର୍ତ୍ତାଙ୍କ ସମେତ ହିତାଧିକାରୀମାନେ ଚମ୍ପୁଆ ବିଦ୍ୟୁତ ଷ୍ଟ୍ରକଚର ସମ୍ମୁଖରେ ଧାରଣା ଦେଇଛନ୍ତି । ବିଦ୍ୟୁତ ବିଭାଗ ସେବା କମ ଟିକସ ଅଧିକ ନୀତି ଆପଣାଇଥିବା ନେଇ ନାରା ଦେବା ସହ ରାଜ୍ୟସରକାରଙ୍କ ତ୍ରୁଟିପୂର୍ଣ୍ଣ ନୀତିପାଇଁ ୯୨ ଲକ୍ଷ ବିଦ୍ୟୁତ ଉପଭୋକ୍ତା କଷ୍ଟରେ ଥିବା କୁହାଯାଇଛି ।
ସେପଟେ ବିଭିନ୍ନ ସରକାରୀ କାର୍ଯ୍ୟାଳୟ, କଲେଜ ସ୍କୁଲରେ କୋଟି କୋଟି ଟଙ୍କା ବିଲ ବାକି ପଡିଛି । ଏଭଳି ସ୍ଥଳେ ସାଧାରଣ ହିତାଧିକାରୀଙ୍କୁ ବିଦ୍ୟୁତ ବିଲ ବୃଦ୍ଧିକରି ଶୋଷଣ କରୁଥିବା କୁହାଯାଇଛି । ପରେ ଏକ ଦସ୍ତଖତ ସମ୍ବଳିତ ଅଭିଯୋଗ ପତ୍ର ସ୍ଥାନୀୟ ବିଦ୍ୟୁତ ବିଭାଗର ଏସଡିଓ(SDO)ଙ୍କୁ ପ୍ରଦାନ କରାଯାଇଛି ।
ବିଦ୍ୟୁତ କମ୍ପାନୀ ଏହି ଦର ନ କମାଇଲେ ଆଗାମୀ ଦିନରେ ବିଜେପି ରାଜରାସ୍ତାକୁ ଓହ୍ଲାଇବ ବୋଲି ଦଳ ପକ୍ଷରୁ କୁହାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
