କେନ୍ଦୁଝର: ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ଯାଉଁଳିପୋଖରୀ ଗ୍ରାମ ନିକଟସ୍ଥ ଟ୍ରେନ ଲାଇନରେ ଏକ ମାଲବାହୀ ଟ୍ରେନ ଧକ୍କାରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି । ଖବର ଅନୁଯାୟୀ ବୃଦ୍ଧା ଜଣଙ୍କ ଭଗାମୁଣ୍ଡା ଗ୍ରାମପଞ୍ଚାୟତ ଗେହ୍ଲାମୁଣ୍ଡା ଗ୍ରାମର । ସେ କୌଣସି କାମରେ ହରିଚନ୍ଦନପୁରକୁ ଆସିଥିଲେ । କାମ ସାରି ଘରକୁ ଫେରୁଥିବା ବେଳେ ଟ୍ରେନ ଲାଇନ ପାର ହେବା ସମୟରେ ଏକ ମାଲବାହୀ ଟ୍ରେନ ତାଙ୍କୁ ଧକ୍କା ଦେଇଥିଲା ।
ମାଲବାହୀ ଟ୍ରେନରେ କଟି ବୃଦ୍ଧା ମୃତ
ଧକ୍କା ଦେବା ଫଳରେ ଟ୍ରେନରେ କଟି ବୃଦ୍ଧାଙ୍କର ମୃତ୍ୟୁ ଘଟିଥିବା ଜଣାପଡିଛି । ଘଟଣା ସମ୍ପର୍କରେ ପୋଲିସ ଓ ରେଲୱେ ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛନ୍ତି । ମୃତଦେହ ବ୍ୟବଚ୍ଛେଦ ନିମନ୍ତେ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇବା ସହ ଘଟଣାର ତଦନ୍ତ ଜାରି ରହିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
