କେନ୍ଦୁଝର: ମାଡ ମାରି ଦୁର୍ବୃତ୍ତଙ୍କ ଡକାୟତି । ଘରେ ପଶି ମାଡ ଦେଇ ଲୁଟି ନେଲେ ସୁନା ଗହଣା ଓ ମୋବାଇଲ ଫୋନ । କେନ୍ଦୁଝର ଜିଲ୍ଲା ପାଟଣା ଥାନା କାମେଶ୍ବରପୁର ଗାଁର ବାଉଁଶଡିହା ସାହିରେ ମଙ୍ଗଳବାର ବିଳମ୍ବିତ ରାତିରେ ଏହି ଲୁଟପାଟ ଘଟିଛି । କାର୍ତ୍ତିକ ନାଏକ ଓ ଅଙ୍ଗନବାଡି କର୍ମୀ ମିନା ତ୍ରିପାଠୀ ନାମକ ଦୁଇ ଜଣଙ୍କ ଘରେ ପଶି 3 ଜଣ ଦୁର୍ବୃତ୍ତ ଏହି କାଣ୍ଡ ଭିଆଇଛନ୍ତି ।
ଘରେ ପଶି ମାଡ଼ ମାରି ଦୁର୍ବୃତ୍ତଙ୍କ ଲୁଟ
ସୂଚନା ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ବାଉଁଶଡିହା ସାହିର କାର୍ତ୍ତିକ ଓ ମିନାଙ୍କ ଘରେ ତିନି ଜଣ ଦୁର୍ବୃତ୍ତ ମୁଖା ପିନ୍ଧି ପିଶିଥିଲେ । କାର୍ତ୍ତିକଙ୍କ ଘରୁ ଦୁଇ ହଳ ସୁନା କାନଫୁଲ, ରୂପା ପାଉଁଜି ଦୁଇଟି ନାକ ଫୁଲ ସମେତ ଅଙ୍ଗନବାଡି କର୍ମୀଙ୍କ ଘରୁ ପାସବୁକ, ମୋବାଇଲ ଫୋନ ଲୁଟି ନେଇଛନ୍ତି । ଦୁର୍ବୃତ୍ତଙ୍କ ମାଡରେ ମିନା ଓ ତାଙ୍କ ଝିଅ ସରିତା ଆହତ ହୋଇଛନ୍ତି । ଏନେଇ ଅଭିଯୋଗ ପରେ ପାଟଣା ପୋଲିସ ଛାନଭିନ ଜାରି ରଖିଛି । ତେବେ ଏ ଯାଏଁ ବି ଅଭିଯୁକ୍ତଙ୍କ ସୁରାକ ପାଇନି ପୋଲିସ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
