କେନ୍ଦୁଝର: ପାଟଣା ଥାନା ଅନ୍ତର୍ଗତ ମାଛଗଡ ପଞ୍ଚାୟତ ଦୁଧନାଳି ଗ୍ରାମରେ ଘଟିଛି ଅଭାବନୀୟ ଘଟଣା । ବଜ୍ରାଘାତରେ ମୃତ ବ୍ୟକ୍ତିକୁ ଗୋବରରେ ପୋତିଲେ ପରିବାର ଲୋକେ । ମୃତ ବ୍ୟକ୍ତିଙ୍କର ଜୀବନ ଫେରିଆସିବା ଆଶା ନେଇ ଏପରି କରିଛନ୍ତି ପରିବାର ସଦସ୍ୟ ।
ପ୍ରାଣରକ୍ଷା ପାଇଁ ଗୋବରରେ ପୋତିଲେ ପରିବାର ଲୋକେ
ସୂଚନା ଅନୁଯାୟୀ ମଙ୍ଗଳବାର ଅପରାହ୍ନରେ ଦୁଧନାଳି ଗ୍ରାମର ପାଣ୍ଡୁ ମୁଣ୍ଡା ନିଜ ଘର ବାରଣ୍ଡାରେ ବସିଥିବା ସମୟରେ ବଜ୍ରପାତ ହୋଇଥିଲା । ସେହି ସମୟରେ ସେଠାରେ ବସିଥିବା ପାଣ୍ଡୁ ଘଟଣାସ୍ଥଳରେ ଟଳି ପଡିଥିଲେ । ପରେ ପରିବାର ଲୋକେ 108 ଆମ୍ବୁଲାନ୍ସକୁ ଫୋନ କରିଥିଲେ ସୁଧା ତାହା ଲାଗିନଥିଲା ।
ଘଟଣା ପରେ କୌଣସି ଉପାୟ ନପାଇ ପରିବାର ସଦସ୍ୟ ମୃତ ବ୍ୟକ୍ତିକୁ ଗୋବର ମଧ୍ୟରେ ପୋତିଥିଲେ । ପରେ ଅଗ୍ନିଶମ ବାହିନୀ ସହାୟତାରେ କରଞ୍ଜିଆ ମେଡିକାଲ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
