କେନ୍ଦୁଝର: ସାମାଜିକ ବାସନ୍ଦ କାରଣରୁ 8 ଘଣ୍ଟା ଧରି ପଡି ରହିଲା ଜଣେ ବ୍ୟକ୍ତିଙ୍କ ମୃତଦେହ । ତେବେ ଏଭଳି ଅମାନବିକ ଘଟଣା ଜିଲ୍ଲାର ଟାଉନ ଥାନା ଅନ୍ତର୍ଗତ ଧୋବାଡ଼ିହାଠାରେ ଦେଖିବାକୁ ମିଳିଛି । ଘଟଣା ସମ୍ପର୍କରେ ଖବର ପାଇବା ପରେ ପୋଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ।
ଜମିଜମା ପ୍ରସଙ୍ଗକୁ ନେଇ ଦୀର୍ଘ ଦିନରୁ ଗ୍ରାମର ଯଦୁମଣୀ ଓ ତାଙ୍କ ପରିବାରକୁ ସାହିରୁ ବାସନ୍ଦ କରାଯାଇଥିଲା । ସୋମବାର ଯଦୁମଣୀଙ୍କ ମୃତ୍ୟୁ ଘଟିବା ପରେ ତାଙ୍କ ଅନ୍ତିମ ସତ୍କାର ପାଇଁ ପଡୋଶୀମାନେ ମୃତଦେହକୁ ଛାଡୁନଥିବା ଭଳି ଅମାନୁଷିକ ଘଟଣା ଦେଖିବାକୁ ମିଳିଥିଲା । ତେବେ ଏ ସମ୍ପର୍କରେ ଖବର ପାଇବା ପରେ ପୋଲିସ ଓ ମାଜିଷ୍ଟ୍ରେଟ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ ।
ଏହାପରେ ଅନ୍ତିମ ସତ୍କାର ପାଇଁ ମୃତଦେହକୁ ପଡୋଶୀ ଛାଡିଥିବା ବେଳେ ଶ୍ମଶାନକୁ ପଡୋଶୀ ଭାଇଙ୍କ 4 କାନ୍ଧ ମିଳିନଥିଲା । ଯଦୁମଣୀଙ୍କ ଜ୍ଞାତି କୁଟୁମ୍ବ ଓ ପରିବାର ଲୋକେ ଏକାଠି ହୋଇ ମାଜିଷ୍ଟ୍ରେଟଙ୍କ ଉପସ୍ଥିତିରେ ଅନ୍ତିମ ସତ୍କାର ପାଇଁ ନେଇଥିବା ଦେଖିବାକୁ ମିଳିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
