କେନ୍ଦୁଝର: ଗିନିଜ୍ ବୁକରେ ରେକର୍ଡରେ ସ୍ଥାନ ପାଇଲା କେନ୍ଦୁଝରର ରଥ । ଜିଲ୍ଲାର ଏକମାତ୍ର ରଥ ନନ୍ଦିଘୋଷ ଗିନିଜ୍ ବୁକ ରେକର୍ଡରେ ସ୍ଥାନ ପାଇଛି । ଏହି ରଥ ବିଶ୍ୱର ସର୍ବୋଚ୍ଚ ରଥ ଭାବେ ମାନ୍ୟତା ପାଇ ଗିନିଜ୍ ବୁକ ଅଫ ରେକର୍ଡରେ ସ୍ଥାନ ପାଇଛି । କେନ୍ଦୁଝର ଜିଲ୍ଲାର ବଳଦେବଜୀଉଙ୍କ ଏହି ରଥର ଉଚ୍ଚତା ୨୨ମିଟର ଥିବା ଗିନିଜ୍ ବୁକ ତାର ପ୍ରମାଣପତ୍ରରେ ଦର୍ଶାଇଛି । ଏନେଇ ଆଜି ବିଧିବଦ୍ଧ ଭାବେ ଜିଲ୍ଲା ପ୍ରଶାସନ ପକ୍ଷରୁ ଘୋଷଣା କରାଯାଇଛି ।
ଗିନିଜ୍ ବୁକ ରେକର୍ଡରେ ସ୍ଥାନ ପାଇଲା କେନ୍ଦୁଝରର ନନ୍ଦିଘୋଷ ରଥ
ବଳଦେବଜୀଉଙ୍କ ମନ୍ଦିର ନିକଟରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଏହି ମାନ୍ୟତା ପାଇବା ନେଇ ଜିଲ୍ଲାପାଳ ଆଶିଷ ଠାକରେ ଘୋଷଣା କରିଛନ୍ତି । ଏହି ରଥ ବିଶ୍ୱର ସବୁଠୁ ବଡ଼ ରଥ ଭାବେ ପରିଚିତ ଥିବା ବେଳେ ଏହି ମାନ୍ୟତାକୁ ଆହୁରି ବଳିଷ୍ଠ କରିଛି । ପୂର୍ବରୁ ଜିଲ୍ଲାର ଏହି ରଥ ଏସିଆ ବୁକ, ଲିମକା ବୁକ ଆଦି ମାନ୍ୟତା ପାଇ ସାରିଛି । ଏହି ମାନ୍ୟତା ପରେ ଜିଲ୍ଲାବାସୀ ବେସ ଖୁସି ଅଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
