କେନ୍ଦୁଝର: ଅନଲକ ୪ ରେ ସରକାର ଜେଇଇ ଓ ନିଟ ପରୀକ୍ଷା କରିବାକୁ ଘୋଷଣା କରିଥିଲେ । ବସ ଓ ରେଳ ଚଳାଚଳ ବନ୍ଦ ଥିବା ହେତୁ ଯିବା ଆସିବା ନେଇ ପ୍ରଥମେ ଆଶଙ୍କା ଦେଖାଦେଇଥିଲା । ଏବେ ପରୀକ୍ଷାର୍ଥୀଙ୍କ ପରୀକ୍ଷା କେନ୍ଦ୍ରକୁ ଯିବା ସହ ହୋଟେଲ ବ୍ୟବସ୍ଥା କରିବେ ବୋଲି ସରକାର ଘୋଷଣା କରିଥିଲେ । ତେବେ ଏହି ପରିପ୍ରେକ୍ଷୀରେ କେନ୍ଦୁଝର ଜିଲ୍ଲାର ପରୀକ୍ଷାର୍ଥୀଙ୍କ ପାଇଁ ସ୍ବତନ୍ତ୍ର ବସ ଜିଲ୍ଲା ପ୍ରଶାସନ ବ୍ୟବସ୍ଥା କରିଛି ।
ଆଜି ଓଡିଶା ମୋ ପରିବାର ପକ୍ଷରୁ ସମସ୍ତ ପରୀକ୍ଷାର୍ଥୀଙ୍କୁ ଶୁଭେଚ୍ଛା ଜଣାଯାଇଛି । ଏହା ସହ ସମସ୍ତ ପରୀକ୍ଷାର୍ଥୀ ଓ ତାଙ୍କ ପରିବାରଙ୍କୁ ସାନିଟାଇଜର, ମାସ୍କ ଆଦି ପ୍ରଦାନ କରାଯାଇଥିଲା । ଏହି ବସ ବ୍ୟବସ୍ଥାକୁ ଛାତ୍ରଛାତ୍ରୀ ଓ ତାଙ୍କ ପରିବାର ସ୍ବାଗତ କରିଛନ୍ତି । ଦୁଇଟି ସ୍ବତନ୍ତ୍ର ବସକୁ ପତାକା ଦେଖାଇ ପାଟଣା ବିଧାୟକ ଜଗନ୍ନାଥ ନାଏକ ଶୁଭେଚ୍ଛା ଜଣାଇଥିବା ବେଳେ ଜିଲ୍ଲା ପ୍ରଶାସନର ବହୁ ଅଧିକାରୀ ଓ ଓଡ଼ିଶା ମୋ ସରକାରର ବହୁ କର୍ମକର୍ତ୍ତା ଉପସ୍ଥିତ ଥିଲେ ।
କେନ୍ଦୁଝରରୁ ସନ୍ତୋଷ ମାହାପାତ୍ର, ଇଟିଭି ଭାରତ
