ଫୁଲବାଣୀ: ମହାମାରୀ କୋରୋନା ଲକଡାଉନ ଯୋଗୁଁ ଫୁଲବାଣୀରେ ଫସି ରହିଛନ୍ତି ପଶ୍ଚିମବଙ୍ଗର ଅନେକ ବିଦ୍ୟୁତ ଶ୍ରମିକ । ଗ୍ରାମ୍ୟ ବିଦ୍ୟୁତ ସଂଯୋଗ ଏବଂ ବିଦ୍ୟୁତ ଟ୍ରାନ୍ସମିଶନ ପାଇଁ କରାଯାଉଥିବା ଅନେକ ପ୍ରକଳ୍ପ କାମରେ ନିୟୋଜିତ ଅନେକ ଶ୍ରମିକ ଜିଲ୍ଲାରେ ଫସି ରହିଛନ୍ତି । ମାସେ ହେଲା ନାନା ଅସୁବିଧାରେ ଅଛନ୍ତି ଏହି ଶ୍ରମିକ ।
ଓପିଟିସିଏଲ (ଓଡିଶା ପାୱାର ଟ୍ରାନ୍ସମିଶନ କର୍ପୋରେସନ) ଏପରି ଶ୍ରମିକଙ୍କୁ ରିଲିଫ ଦେଇଛି । ଅଧିକାରୀମାନେ ବୁଲି ବୁଲି ଶ୍ରମିକଙ୍କୁ ଦେଉଛନ୍ତି ରିଲିଫ । ଲକଡାଉନ ଯୋଗୁଁ ବନ୍ଦ ପଡିଛି ସବୁ କାମ । ବିଦ୍ୟୁତକରଣ ପ୍ରକଳ୍ପ ବନ୍ଦ ଯୋଗୁଁ ଶ୍ରମିକଙ୍କ ହାତ ଖାଲି । ବାହାର ରାଜ୍ୟ ଶ୍ରମିକଙ୍କ ଦୁର୍ଦ୍ଦଶା କହିଲେ ନସରେ । ଦୀର୍ଘ ମାସେ ହେଲା ହଟହଟା ହେଉଛନ୍ତି ଏମିତି ଅନେକ ଶ୍ରମିକ । ପଶ୍ଚିମବଙ୍ଗର ଅନେକ ଶ୍ରମିକ ଫୁଲବାଣୀରେ ଏମିତି ରହିଥିବା ବେଳେ ସେମାନଙ୍କୁ ସହାୟତା କରିବ ଓପିଟିସିଏଲ । ଏହି ସଂସ୍ଥାର ଅଧିକାରୀମାନେ ଶ୍ରମିକଙ୍କ ଘରେ ଘରେ ପହଞ୍ଚି ଦେଉଛନ୍ତି ସହାୟତା, ରାସନ ଓ ଅନ୍ୟାନ୍ୟ ଜିନିଷ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
