କନ୍ଧମାଳ: ଶିକ୍ଷକଙ୍କ ମାଡରେ ଛାତ୍ର ଆହତ । କନ୍ଧମାଳ ଜିଲ୍ଲା ଫିରିଙ୍ଗିଆ ଉନ୍ନତି ଉଚ୍ଚ ପ୍ରାଥମିକ ବିଦ୍ୟାଳୟରେ ଖେଳ ଶିକ୍ଷକଙ୍କ ମାଡରେ ଜଣେ ଛାତ୍ର ଆହତ ହୋଇଥିବା ଅଭିଯୋଗ ହୋଇଛି ।
ସୂଚନା ଅନୁଯାୟୀ, ଗତ ଶନିବାର ଅଷ୍ଟମ ଶ୍ରେଣୀର ଛାତ୍ର ଜଣଙ୍କ ପଡିଆରେ ବୁଲୁଥିବା ବେଳେ ଖେଳ ଶିକ୍ଷକ ବାସୁଦେବ ସାହାଣି ତାଙ୍କୁ ଡାକି କାହିଁକି ପଡିଆରେ ବୁଲୁଛ କହି ମାଡ ମାରିଥିଲେ । ଯାହାଫଳରେ ଛାତ୍ରଙ୍କ ମୁହଁରେ ମାଡ ଚିହ୍ନ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଏହି ଘଟଣା ନେଇ ଛାତ୍ରଙ୍କ ବାପା ଜାଣିବା ପରେ ଗତ ରବିବାର ଏ ସମ୍ପର୍କରେ ସେ ଥାନାରେ ଅଭିଯୋଗ କରିଥିଲେ । ଖବର ପାଇ ପୋଲିସ୍ ତଦନ୍ତ ଚଲାଇଥିବା ନେଇ ଥାନା ଅଧିକାରୀ ପି.ଶ୍ୟାମ ସୁନ୍ଦର ରାଓ ସୂଚନା ଦେଇଛନ୍ତି ।
କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ
