ଫୁଲବାଣୀ: ପଦାରେ ପଡିଲା ସାରଙ୍କ ରସିକ ପଣିଆ । ନାବାଳିକା ଛାତ୍ରୀଙ୍କୁ ଅସଦାଚାରଣ ପଡିଲା ମହଙ୍ଗା । ଦାରିଙ୍ଗବାଡ଼ି ଥାନା ଅଞ୍ଚଳରେ ଜଣେ ଆସିଛି ଏଭଳି ଅଭିଯୋଗ । ଅଭିଯୋଗ ଆଧାରରେ ପୁଲିସ ଶିକ୍ଷକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଶିକ୍ଷକ ଜଣକ ହେଲେ ଦାରିଙ୍ଗବାଡ଼ି ଅଞ୍ଚଳର ପ୍ରଶାନ୍ତ କୁମାର ସାହୁ ।
ଦାରିଙ୍ଗବାଡ଼ି ବ୍ଲକର ଲତେସବାନ୍ଦା ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଭାବେ କାର୍ଯ୍ୟରତ ପ୍ରଶାନ୍ତ । ଗତ ୨୦ ତାରିଖରେ ପ୍ରଶାନ୍ତ କୁମାର ସାହୁ ଦାରିଙ୍ଗବାଡ଼ି ନିଲକନ୍ଦର ସାହି ସ୍ଥିତ ନିଜ ବାସଭବନରେ କିଛି ପିଲାଙ୍କୁ ଟ୍ୟୁସନ୍ କରୁଥିଲେ । ଏହି ସମୟରେ ସମ୍ପୃକ୍ତା ଛାତ୍ରୀଙ୍କୁ ନିଜ ବେଡରୁମ୍କୁ ଡାକି ନେଇ ଅସଦାଚାରଣ କରିଥିଲେ । ଛାତ୍ରୀଜଣକ କାନ୍ଦି କାନ୍ଦି ଆସି ଘର ଲୋକଙ୍କୁ କହିବା ପରେ ଘଟଣା ପଦାକୁ ଆସିଥିଲା।
ପରିବାର ପକ୍ଷରୁ ଏନେଇ ଥାନାରେ ଅଭିଯୋଗ କରାଯାଇଥିଲା। ଶାଳୀନତା ନଷ୍ଟକରିବା, ଆଦିବାସୀ ହରିଜନ ନିର୍ଯାତନା ଓ ନାବାଳିକା ହୋଇଥିବାରୁ ପୋକ୍ସୋ ଆଇନ ଆଧାରରେ Case ( No 96/19 U/s 354/354-A IPC/8 POCSO Act/ 3(2)va wi of SC &ST Act )ଦାରିଙ୍ଗବାଡ଼ି ପୁଲିସ ମାମଲା ରୁଜୁ କରି ଶିକ୍ଷକଙ୍କୁ ଗିରଫ କରି କୋର୍ଟ ଚାଲାଣ କରିଛି ।ଜାମିନ ନାମଞ୍ଜୁର ହେବାରୁ ଜେଲ ହାଜତକୁ ଯାଇଛନ୍ତି ରସିକିଆ ଶିକ୍ଷକ।
କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ
