ଫୁଲବାଣୀ: ଟିକାବାଲି ନିକଟସ୍ଥ ତଲରିମାହା ଭଞ୍ଜପଦର ଗ୍ରାମ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଭାରସାମ୍ୟ ହରାଇ ଆମ୍ବ ଗଛରେ ପିଟିହେଲା କାର। ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି ।
ସୂଚନା ଅନୁସାରେ, ସଡକ ଦୁର୍ଘଟଣାରେ ଜି.ଉଦୟଗିରି ବ୍ଲକ ଗଡାବିସା ଗ୍ରାମର ଶିକ୍ଷକ ନାରାୟଣ ସାହୁଙ୍କ(୫୨) ମୃତ୍ୟୁ ହୋଇଥିବା ବେଳେ ମହାଗୁଡା ସାହିର ସାନୁଜ ଆଚାର୍ଯ୍ୟ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ନାରାୟଣ ସାହୁ ଓ ସାନୁଜ ଏକ କାର ଯୋଗେ ଫୁଲବାଣୀରୁ ଜି.ଉଦୟଗିରି ଫେରୁଥିବା ବେଳେ କାରଟି ଭାରସାମ୍ୟ ହରାଇ ଭଞ୍ଜପଦର ଗ୍ରାମ ନିକଟ ଏକ ଆମ୍ବ ଗଛରେ ପିଟି ହୋଇଯାଇଥିଲା । ପରେ ସ୍ଥାନୀୟ ଦୁଇଜଣ ବ୍ୟକ୍ତି ଘଟଣାସ୍ଥଳରେ ପହଞ୍ଚି ସାନୁଜ ଆଚାର୍ଯ୍ୟଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ ।
ଇଟିଭି ଭାରତ, କନ୍ଧମାଳ
