ଫୁଲବାଣୀ: ଓଡିଶା କ୍ରିକେଟ ଆସୋସିଏଶନ(OCA)ର ପ୍ୟାନେଲ ଅମ୍ପାୟାରଙ୍କ କୋରନାରେ ମୃତ୍ୟୁ । OCAର ପ୍ୟାନେଲ ଅମ୍ପାୟାର ତଥା ଫୁଲବାଣୀର ଆଇନୀଜୀବୀ ଅଶୋକ ମହାପାତ୍ରଙ୍କ ବ୍ରହ୍ମପୁର ଏମକେସିଜି ମେଡିକାଲରେ କୋରନାରେ ମୃତ୍ୟୁ । ତାଙ୍କ ମୃତ୍ୟୁକୁ ନେଇ ସାରା ଜିଲ୍ଲାରେ ଶୋକର ଛାୟା ଖେଳି ଯାଇଛି । ମୃତ୍ୟୁ ବେଳକୁ ତାଙ୍କୁ ୪୯ ବର୍ଷ ହୋଇଥିଲା ।
ବୁଧବାର ଘରେ ଥିବାବେଳେ ସେ ହଠାତ ଅସୁସ୍ଥ ହୋଇ ପଡିଥିଲେ । ପରିବାର ଲୋକେ ସଂଗେସଂଗେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ତେବେ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ଏମକେସିଜିକୁ ପଠାଯାଇଥିଲା । ଏଠାରେ ତାଙ୍କର କୋଭିଡ୍ ପଜିଟିଭ୍ ବୋଲି ଜଣାପଡିଥିଲା । ଚିକିତ୍ସାଧିନ ଅବସ୍ଥାରେ ତାଙ୍କର ଗୁରୁବାର ମୃତ୍ୟୁ ହୋଇଛି ।