ଫୁଲବାଣୀ: ଉଗ୍ରରୂପ ନେଉଛି ଝାଡ଼ାବାନ୍ତି । କାଶୀପୁର, କୋରାପୁଟ,ନବରଙ୍ଗପୁର ଏବଂ ଝାରସୁଗୁଡ଼ା ପରେ କନ୍ଧମାଳ ଜିଲ୍ଲାରେ ଆତଙ୍କ ସୃଷ୍ଟି କରିଛି ଝାଡ଼ାବାନ୍ତି । ଜିଲ୍ଲାର ଖଜୁରିପଡ଼ା ବ୍ଲକ ପିରିକୁଡି ସେବାଶ୍ରମର ୧୦ରୁ ଊର୍ଦ୍ଧ୍ବ ଛାତ୍ରଛାତ୍ରୀ ଝାଡ଼ାବାନ୍ତି ଓ ଜ୍ବରରେ ଆକ୍ରାନ୍ତ ହୋଇଥିବା ଜଣାପଡ଼ିଛି ।
କନ୍ଧମାଳରେ ୧୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅସୁସ୍ଥ
ସମସ୍ତ ଆକ୍ରାନ୍ତଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗତ ତିନିଦିନ ହେଲା ଛାତ୍ରଛାତ୍ରୀଙ୍କ ଦେହ ଅସୁସ୍ଥ ରହିଥିଲା । ସ୍କୁଲ କର୍ତ୍ତୃପକ୍ଷ ଚିକିତ୍ସାଳୟରୁ ଗୋଟିଏ ଡାକ୍ତରୀ ଟିମ୍କୁ ଡକାଇ ପିଲାଙ୍କ ଚିକିତ୍ସା କରାଇଥିଲେ । କିନ୍ତୁ ସ୍ବାସ୍ଥ୍ୟରେ ସୁଧାର ନ ଆସିବାରୁ ସେମାନଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ବର୍ତ୍ତମାନ ଛାତ୍ରଛାତ୍ରୀଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଥିବା ପ୍ରଧାନ ଶିକ୍ଷକ ପବିତ୍ର ମୋହନ ଦାଶ ସୂଚନା ଦେଇଛନ୍ତି ।
ଇଟିଭି ଭାରତ, କନ୍ଧମାଳ
