ଫୁଲବାଣୀ: କନ୍ଧମାଳ ଜିଲ୍ଲା ଖଜୁରିପଡା ଥାନା ଅନ୍ତର୍ଗତ ଦାଦପାଜୁ ଗାଁରେ ଅଘଟଣ। ସୁମନ୍ତ ମଲିକଙ୍କର ଦୁଇ ବର୍ଷର ପୋଖରୀରେ ବୁଡିଯିବାରୁ ଶିଶୁକନ୍ୟାର ମୃତ୍ୟୁ ହୋଇଛି। ବାପା ସୁମନ୍ତଙ୍କୁ ଗୋଡେଇ ଗୋଡେଇ ପଛେ ପଛେ ଆସୁଥିବା ବେଳେ ପଡି ଯାଇଥିଲେ ପୋଖରୀରେ।
ଭିଡିଓ ସୌଜନ୍ୟ- ସମ୍ବାଦଦାତା, କନ୍ଧମାଳ
ସୁମନ୍ତଙ୍କୁ ଏବାବଦରେ ଜଣାନଥିଲା କି ତାଙ୍କ କୁନି ଝିଅ ତାଙ୍କ ପଛେ ପଛେ ଥିଲା । ଅଘଟଣ ପରେ ଘର ଲୋକେ ବହୁ ଖୋଜାଖୋଜି କରିବା ପରେ ପାଇଥିଲେ । ସଙ୍ଗେ ସଙ୍ଗେ ଫୁଲବାଣୀ ଜିଲ୍ଲା ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ସେଠାରେ ଶିଶୁକନ୍ୟାକୁ ମୃତ ଘୋଷଣା କରିଥିଲେ।
ତେବେ ଏନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ବେଳେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
