କନ୍ଧମାଳ: ରାଇକିଆ ଥାନା ଅଞ୍ଚଳରେ ଘଟିଥିବା ନାବାଳିକା ଦୁଷ୍କର୍ମ ମାମଲାରେ ପୋଲିସ କଡା କାର୍ଯ୍ୟାନୁଷ୍ଠାନ ନେଇଛି । ନାବାଳିକା ଦୁଷ୍କର୍ମ ମାମଲାରେ ଅଭିଯୁକ୍ତ ସମେତ 10 ଜଣଙ୍କୁ ଗିରଫ କରିଛି ପୋଲିସ । ଗାଁରେ ବୈଠକ କରି ମାମଲାକୁ ଦଫା କରିବାକୁ ଉଦ୍ଯମ କରିଥିବା ଦଶ ଜଣ ମଧ୍ୟ ଗିରଫ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଗତ 27 ତାରିଖରେ ଘରେ କେହି ନଥିବା ବେଳେ ନାବାଳିକାଙ୍କୁ ଦୁଷ୍କର୍ମ କରିଥିଲା ଅଭିଯୁକ୍ତ । ଗୁରବାର ପିଡୀତାଙ୍କ ମାଆ ଥାନାରେ ଏତଲା ଦେଇଥିଲେ । ପରେ ପୋଲିସ 54/19ରେ ଏକ ମାମଲା ରୁଜୁ କରି 11 ଜଣଙ୍କୁ ଗିରଫ କରିଛି।
ଅଭିଯୁକ୍ତ ଯୁବକ ଶିବାନି ପ୍ରଧାନ ଓ ବାପା ନନ୍ଦ ପ୍ରଧାନ ସମେତ ସୁବଳ ପ୍ରଧାନ, ବେଣୁଧର ପ୍ରଧାନ, ଲାଜିରା ପ୍ରଧାନ, ଆନେଦେଶ୍ୱର ଦିଗାଳ, ଜୟଚାନ୍ଦ ପ୍ରଧାନ, ମନୋଜ ପ୍ରଧାନ, ଆବେନେଶ୍ୱର ପ୍ରଧାନ, ବିଜୟ କୁମାର ପ୍ରଧାନ, ଲିଙ୍ଗରାଜ ପ୍ରଧାନ ପ୍ରମୁଖଙ୍କୁ ଗିରଫ କରାଯିବା ସହ ପୋକ୍ସୋ ଆକ୍ଟ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ।
କନ୍ଧମାଳରୁ ସାଦାଶିବ ପାତ୍ର, ଇଟିଭି ଭାରତ
