ଝାରସୁଗୁଡ଼ା: ଓଡ଼ିଶା ସରକାରୀ ଆଉଟସୋର୍ସିଂ କର୍ମଚାରୀଙ୍କ ବିକ୍ଷୋଭ(Odisha outsourcing employees demand)। ସ୍ଥାୟୀ ମାନ୍ୟତା ପ୍ରଦାନ କରିବା ସହିତ ସମସ୍ତ ସୁବିଧା ଯୋଗାଇ ଦେବା ପାଇଁ ଯୋର ଧରିଛି ଦାବି । ଏନେଇ ଆସନ୍ତା ୨୬ ତାରିଖରେ ଭୁବନେଶ୍ୱର ଠାରେ ଏହି ଦାବିକୁ ନେଇ ପ୍ରତିବାଦ କରାଯିବ । ଏହି ପ୍ରତିବାଦକୁ ଝାରସୁଗୁଡା ଜିଲ୍ଲା ସଂଘ ପକ୍ଷରୁ ସମ୍ପୂର୍ଣ୍ଣ ଭାବେ ସମର୍ଥନ କରାଯିବ ବୋଲି ସଂଘ ପକ୍ଷରୁ କୁହାଯାଇଛି । ଝାରସୁଗୁଡା ପାହାଡି ମନ୍ଦିର ସ୍ଥିତ କଲ୍ୟାଣ ମଣ୍ଡପ ଠାରେ ଓଡିଶା ସରକାରୀ ଆଉଟସୋରସିଂ କର୍ମଚାରୀ ମହାସଂଘର ଏକ ବୈଠକ ଅନୁଷ୍ଠିତ ହୋଇଯାଇଛି ।
ଏହି ବୈଠକରେ ଜିଲ୍ଲାରେ କାର୍ଯ୍ୟ କରୁଥିବା ସମସ୍ତ ଆଉଟସୋର୍ସିଂ କର୍ମଚାରୀମାନେ ଉପସ୍ଥିତ ଥିଲେ । ଏହି ବୈଠକରେ ଜିଲ୍ଲାରେ କାର୍ଯ୍ୟ କରୁଥିବା ଆଉଟସୋର୍ସିଂ କର୍ମଚାରୀଙ୍କୁ ସରକାରୀ କର୍ମଚାରୀଙ୍କ ଭଳି ସମସ୍ତ ସୁବିଧା କିଭଳି ଯୋଗାଇ ଦିଆଯିବ ତାହାକୁ ନେଇ ଆଲୋଚନା କରାଯାଇଥିଲା । ଆସନ୍ତା ୨୬ ତାରିଖରେ ଭୁବନେଶ୍ୱର ଠାରେ ଏହି ଦାବିକୁ ନେଇ ପ୍ରତିବାଦ କରାଯିବ (Employees demand regular job in Jharsuguda) । ଯାହାକି ଝାରସୁଗୁଡା ଜିଲ୍ଲାର ସଂଘ ପକ୍ଷରୁ ସମ୍ପୂର୍ଣ୍ଣ ଭାବେ ସମର୍ଥନ କରାଯିବ ବୋଲି ସଂଘ ପକ୍ଷରୁ କୁହାଯାଇଛି । ସରକାର ସିଧାସଳଖ ଭାବେ ଠିକାରେ ନିଯୁକ୍ତ ମାତ୍ର ୫୭ ହଜାର କର୍ମଚାରୀଙ୍କୁ ନିୟମିତ କରିଛନ୍ତି । ହେଲେ ସର୍ଭିସ ପ୍ରୋଭାଇର ଏଜେନ୍ସି ମାନଙ୍କ ଜରିଆରେ ଠିକାରେ ନିୟୋଜିତ କରିଥିବା ଲକ୍ଷାଧିକ ଠିକା କର୍ମଚାରୀଙ୍କୁ ଏହି ପର୍ଯ୍ୟନ୍ତ ନିୟମିତ କରାଯାଇ ନାହିଁ ।
ଏହାମଧ୍ୟ ପଢ଼ନ୍ତୁ. ଚାକିରି ନିୟମିତ ଦାବିରେ ବ୍ରହ୍ମପୁରରେ ଗର୍ଜିଲେ ଆଉଟସୋର୍ସିଂ କର୍ମଚାରୀ
ସରକାର ଠିକା ନିଯୁକ୍ତି ନିୟମ ୨୦୧୩ ଧାରା ୪ ଅନୁସାରେ ସରକାରୀ ସେବାରେ ଦୁଇ ପ୍ରକାର ଠିକା ନିଯୁକ୍ତ କର୍ମଚାରୀ ନିଯୁକ୍ତ ହୋଇଛନ୍ତି(Odisha outsourcing employees) । ହେଲେ ସରକାର ସେଥି ମଧ୍ୟରୁ 'କ' ଶ୍ରେଣୀର ଠିକା କର୍ମଚାରୀଙ୍କୁ ନିୟମିତ କରିନାହାଁନ୍ତି । ବଜାର ଦର ନିୟମ ଅନୁସାରେ ସର୍ବନିମ୍ନ ଓ ନିୟମିତି ଦରମା, ଚାକିରିରେ ନିରାପତ୍ତା, ସାମାଜିକ ସୁରକ୍ଷା ବିନା ବର୍ଷ ବର୍ଷ ଧରି ସରକାରୀ ସେବାରେ ନିରବିଚ୍ଛନ୍ନ ଭାବେ କାର୍ଯ୍ୟରତ ଏହି କର୍ମଚାରୀଙ୍କ ପାଇଁ ସରକାରଙ୍କ ଚିନ୍ତା ନଥିବା ମନେ ହେଉଛି ।
ଏ ସମ୍ପର୍କରେ ଓଡ଼ିଶା ସରକାରୀ ଆଉଟସୋର୍ସିଂ ସଭାପତି ଶ୍ରୀବତ୍ସ ପଣ୍ଡା କହିଛନ୍ତି, ''ସରକାର ଆମକୁ ଯେଉଁ ନିଚ୍ଚ ଦୃଷ୍ଟିରେ ଦେଖୁଛନ୍ତି ତାକୁ ନେଇ ଆମେ ବିକ୍ଷୋଭ କରିଛୁ।ତେଣୁ ଆମକୁ ସରକାରୀସ୍ତରରେ ଯେଉଁ ସୁବିଧା ମିଳିବା କଥା ତାହା ମିଳୁ ।''
ଇଟିଭି ଭାରତ,ଝାରସୁଗୁଡ଼ା
