ଝାରସୁଗୁଡା: ଦୀର୍ଘ ଦିନରୁ ଝାରସୁଗୁଡା ସହରରେ ଆତଙ୍କ ଖେଳାଇଥିଲା ଏକ ମାଙ୍କଡ । ଏପରିକି ବନ ବିଭାଗ କର୍ମଚାରୀଙ୍କୁ ନାକେଦମ କରି ରଖିଥିଲା ସେ। ଶେଷରେ 'ଅପେରେସନ ମଙ୍କି' ଅଭିଯାନ କରି ୧୭ ଦିନ ପରେ ତାକୁ କାବୁ କରିଛି ବନବିଭାଗ।
ମାଙ୍କଡଟି ଝାରସୁଗୁଡା ସହର ମଝିରେ ଥିବା ବ୍ୟସ୍ତବହୁଲ କକ୍ସ କଲୋନୀ ଅଞ୍ଚଳରେ ଦୀର୍ଘ ଦିନ ହେବ ଆତଙ୍କ ସୃଷ୍ଟି କରିଥିଲା । ମୁଖ୍ୟତଃ ସେ ଛୋଟ ଛୁଆଙ୍କୁ ଟାର୍ଗେଟ କରି ସେମାନଙ୍କୁ ଆଘାତ ପହଞ୍ଚାଉଥିଲା । ତେବେ ପରିସ୍ଥିତି ଅଣାୟତ୍ତ ହେବାରୁ ଏନେଇ ବନ ବିଭାଗକୁ ଖବର ଦେଇଥିଲେ ସ୍ଥାନୀୟ ଲୋକେ । ବନ ବିଭାଗର କର୍ମଚାରୀ ଏବଂ ସ୍ଥାନୀୟ ଲୋକଙ୍କ ସହାୟତାରେ ଉକ୍ତ ମାଙ୍କଡକୁ ଧରିବା ପାଇଁ ଆରମ୍ଭ କରାଯାଇଥିଲା 'ଅପେରେସନ ମଙ୍କି' ।
ଜାଲ ପକାଇ ମାଙ୍କଡକୁ ଧରିବା ପାଇଁ ପ୍ରୟାସ କରାଯାଇଥିଲା । ହେଲେ ବାରମ୍ବାର ପ୍ରୟାସ କରିଥିଲେ ମଧ୍ୟ ଖସି ଯାଉଥିଲା ମାଙ୍କଡ଼ । ଶେଷରେ ମଙ୍ଗଳବାର ସ୍ଥାନୀୟ ଲୋକଙ୍କ ସହାୟତରେ ମାଙ୍ଗଡକୁ କାବୁ କରିଛନ୍ତି ବନ ବିଭାଗ କର୍ମଚାରୀ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
