ଝାରସୁଗୁଡା: ଲଗାତାର ଦ୍ବିତୀୟ ଦିନରେ ଝାରସୁଗୁଡାରୁ ବିମାନ ସେବା ବାତିଲ ହୋଇଛି । ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ସ୍ପାଇସ ଜେଟର ନୂଆଦିଲ୍ଲୀ-ଝାରସୁଗୁଡା, ଝାରସୁଗୁଡା-ନୂଆଦିଲ୍ଲୀ, କୋଲକାତା-ଝାରସୁଗୁଡା, ଝାରସୁଗୁଡା-ହାଇଦ୍ରାବାଦ, ହାଇଦ୍ରାବାଦ-ଝାରସୁଗୁଡା ଏବଂ ଝାରସୁଗୁଡା-କୋଲକାତା ବିମାନ ବାତିଲ ହୋଇଛି ।
ଏଥିସହ ଏଲାଏନ୍ସ ଏୟାରର ରାୟପୁର-ଝାରସୁଗୁଡା ଓ ଝାରସୁଗୁଡା-ରାୟପୁର ବିମାନ ସେବା ମଧ୍ୟ ବାତିଲ ହୋଇଛି । ଆଜି(ମଙ୍ଗଳବାର) କେବଳ ଏଲାଏନ୍ସ ଏୟାରର ଭୁବନେଶ୍ୱର-ଝାରସୁଗୁଡା, ଝାରସୁଗୁଡା-ଭୁବନେଶ୍ୱର ବିମାନ ସେବା ମିଳିଥିଲା । ତେବେ ବିମାନ ଗୁଡିକ ଖରାପ ପାଗ ପାଇଁ ବାତିଲ ହୋଇଥିବା ବିମାନ ବନ୍ଦର ନିର୍ଦ୍ଦେଶକ ସୁଦେଶ କୁମାର ଚୌହାନ ସୂଚନା ଦେଇଛନ୍ତି ।
ଝାରସୁଗୁଡାରୁ ରବିନାରାୟଣ ସାହୁ, ଇଟିଭି ଭାରତ
