ଝାରସୁଗୁଡ଼ା: ଝାରସୁଗୁଡ଼ା ପୋଲିସକୁ ମିଳିଛି ଆଉ ଏକ ସଫଳତା । ମାରଣାସ୍ତ୍ର ଦେଖାଇ ଲୁଟ କରୁଥିବା ୫ ଡକାୟତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ସୂଚନାଅନୁସାରେ, ଗତ ମେ ମାସ ୮ତାରିଖ ଦିନ ଏହି ଦୁର୍ବୃତ୍ତ ମାନେ ବଢେଇମୁଣ୍ଡା ସ୍ଥିତ ଶାନ୍ତି ନଗରର ବିଶ୍ବାମୀତ୍ର ପରୁଆଙ୍କ ଘରେ ପସି ବିଭିନ୍ନ ମାରଣାସ୍ତ୍ର ଦେଖାଇ ଟଙ୍କା, ସୁନା ଗହଣା ଆଦି ଲୁଟି ନେଇଥିଲେ । ଏନେଇ ଥାନାରେ କେସ ନମ୍ବର ୨୪୫ରେ ଏକ ମାମଲା ରୁଜୁ ହୋଇଥିଲା । ଏହା ପରେ ପୁନର୍ବାର ଚଳିତ ମାସ ୭ ତାରିଖ ଦିନ ବଢେଇମୁଣ୍ଡା ଅଞ୍ଚଳରେ ଏହି ଡକାୟତ ମାନେ ଏଭଳି କାଣ୍ଡ ଭିଆଇଥିଲେ । ତେବେ ଏନେଇ ଟାଉନଥାନାରେ କେସ୍ ନମ୍ବର ୩୭୪ରେ ଏକ ମାମଲା ରୁଜୁ କରାଯାଇଥିଲା ।
