ଯାଜପୁର: ଆଲୋକର ପର୍ବ ଦୀପାବଳୀ ଆୟୋଜନରେ ଲୋକେ ମସଗୁଲ ଥିବା ବେଳେ ଜିଲ୍ଲାର ଜେନାପୁର୍ ଥାନା ନିକଟରେ ଘଟିଛି ଅଘଟଣ । ଇଟାଭାଟିରେ ପଡି ଜଣେ ଯୁବକଙ୍କ ଅକାଳ ମୃତ୍ୟୁ ଘଟିଥିବା ସୂଚନା ମିଳିଛି ।
ଇଟାଭାଟି ଖାଲରେ ପଡି ଯୁବକଙ୍କ ମୃତ୍ୟୁ
ମିଳିଥିବା ସୂଚନା ମୁତାବକ, ଜିଲ୍ଲାର ଜେନାପୁର ଥାନା ଅନ୍ତର୍ଗତ ପଣସ ପଡିଆରେ ଯୁବକଙ୍କ ମୃତ୍ୟୁ ଘଟିଛି । ତେବେ ଶୌଚ ପାଇଁ ଯାଇଥିବା ସମୟରେ ଗୋଡ ଖସିଯିବାରୁ ଖାଲରେ ପାଣି ଭିତରେ ବୁଡି ଯୁବକଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି 38 ବର୍ଷୀୟ ସୁବାଷ ପରିଡା ।
ସ୍ଥାନୀୟ ଲୋକମାନେ ସୁବାଷଙ୍କୁ ଖାଲ ଭିତରେ ଦେଖି ତୁରନ୍ତ ଉଦ୍ଧାର କରି 108 ଆମ୍ବୁଲାନ୍ସକୁ ଡାକିଥିଲେ । ହେଲେ ଡାକ୍ତରଖାନା ନେବା ରାସ୍ତାରେ ହିଁ ତାଙ୍କର ମୃତ୍ୟୁ ଘଟିଥିଲା । ଜେନାପୁର୍ ଥାନା ଅଧିକାରୀ ଆଶିଷ କୁମାର ସାହୁ ଘଟଣା ସ୍ଥଳରେ ପହଞ୍ଚି ଶବର ବ୍ୟବଚ୍ଛେଦ ପାଇଁ ପଠାଇଛନ୍ତି । ଏହି ଖବର ପାଇବା ପରେ ଦୀପାବଳି ଉତ୍ସବର ଖୁସିର ମାହୋଲରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
