ଯାଜପୁର: ଯାଜପୁର କୋରେଇ ଥାନା ବନ୍ଦୀଛକ ନିକଟରେ ଯାତ୍ରୀବାହୀ ବସ ସହ ହାଇଓ୍ବା ମୁହାଁମୁହିଁ ଧକ୍କା ହୋଇଛି । ଫଳରେ 20ରୁ ଅଧିକ ଯାତ୍ରୀ ଆହତ ହୋଇଥିବା ଜଣାପଡିଛି । ସମସ୍ତ ଆହତଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ କେନ୍ଦୁଝର ଜିଲ୍ଲାରୁ ବସ ଯୋଗେ ଯାତ୍ରୀ ଯାଜପୁର ରୋଡକୁ ଆସୁଥିଲେ। ବନ୍ଦୀ ଛକ ନିକଟରେ ଏକ ଚିପ୍ସ ବୋଝେଇ ହାଇଓ୍ବା ଗାଡି ବସକୁ ମୁହାଁମୁହିଁ ଧକ୍କା ଦେଇଥିଲା । ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଯାତ୍ରୀଙ୍କୁ ଉଦ୍ଧାର କରି ଦମକଳ ଗାଡି ଯୋଗେ ଯାଜପୁର ଡାକ୍ତରଖାନାକୁ ଚିକିତ୍ସା ପାଇଁ ପଠାଇଛି। ଏଥିସହିତ ଗାଡି ଦୁଇଟିକୁ ଅଟକାଇ ତଦନ୍ତ ଜାରି ରଖିଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
