ଯାଜପୁର:ମହିଳାଙ୍କ ଉପରେ ଚଢିଗଲା ଡମ୍ଫର । ଯାଜପୁର ଜିଲ୍ଲା ସଦର ଥାନା କେତକିଆ ଛକ ନିକଟରେ ମହିଳାଙ୍କ ଉପରେ ଗୋଟିଏ ଚିପ୍ସ ବୋଝେଇ ଡମ୍ଫର ଚଢି ଯିବାରୁ ମହିଳାଙ୍କର ମୃତ୍ୟୁ ହୋଇଛି । ଦୁର୍ଘଟଣାର ପ୍ରତିବାଦ କରି ଯାଜପୁର ରାସ୍ତାକୁ ଅବରୋଧ କରିଛନ୍ତି ଉତ୍ୟକ୍ତ ଲୋକେ ।
ସୂଚନାଅନୁସାରେ,ସକାଳୁ ମର୍ଣି ୱାର୍କ ସାରି ଘରକୁ ଫେରୁଥିବା ବେଳେ ପଛପଟୁ ଗୋଟିଏ ଚିପସ ବୋଝେଇ ଡମ୍ଫର(ଓଆର-04ଏଚ-7274) ମହିଳାଙ୍କ ଉପରେ ଚଢି ଯାଇଥିଲା । ସ୍ଥାନୀୟ ଲୋକ ଘଟଣା ସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରି ୧୦୮ ଯୋଗେ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ମହିଳା ଜଣଙ୍କ ହେଲେ ଯାଜପୁରର ବର୍ଷାରାଣୀ ଜେନା ।
ଦୁର୍ଘଟଣାରେ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ପ୍ରକାଶ ପାଇଛି । ଦୁର୍ଘଟଣାର ପ୍ରତିବାଦରେ ବରି ଯାଜପୁର ରାସ୍ତାକୁ ଅବରୋଧ କରିଛନ୍ତି ଉତ୍ୟକ୍ତ ଲୋକେ । ଦୁର୍ଘଟଣାର ଖବର ପାଇ ସ୍ଥାନୀୟ ପୋଲିସ ଘଟଣା ସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା ଜାରି ରଖିଛନ୍ତି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
